SÖHBƏT CÜMƏ

Cümə, möminlərin bayramıdır. Cümə günü edilən ibadətlərə iki qat savab verilir. Bu gün işlənən günahlar da iki qat yazılır. Cümə gününü günahlardan çəkinərək ibadətlə keçirməyə çalışmalıyıq. Allahu təala Cümə gününü Müsəlmanlara məxsus qılmışdır. Cümə günləri duanın qəbul olunacağı bir an vardır Bu an xütbə ilə Cümə namazı içindədir, deyənlər çoxdur. Xütbə dinləyərkən dua qəlbdən oxunur. Səs çıxarmaq caiz deyil. Bu an hər şəhər üçün başqadır. Cümə günü gecəsindən daha qiymətlidir. Gecəsində və gündüzündə “Kəhf surəsi”ni oxumaq çox savabdır. Cümə günü ruhlar toplaşır və bir-biriləri ilə tanış olurlar. Qəbirlər ziyarət edilir. Bu gün qəbir əzabları durdurulur. Bəzi alimlərə görə möminin əzabı daha başlamaz. Kafirin Cümə və Ramazan istisna olmaqla qiyamətə qədər hər gün davam edir. Bu gün və gecəsində ölən möminlər qəbir əzabı heç görməz. Cəhənnəm Cümə günü çox isti olmaz. Adəm aleyhissalam Cümə günü yaradıldı, Cümə günü Cənnətdən çıxarıldı. Cənnətdəkilər Allahu təalanı Cümə günü görəcəklər. Hədisi-şərifdə buyuruldu ki:

“Cümə gününü günah işləmədən salamatda keçirərsə, digər günləri də salamatda keçər.”

“Savablar içində Cümə günü və gecəsində ediləndən daha qiymətlisi, günahlar içində də Cümə günü və gecəsində işləniləndən daha pisi yoxdur.”

“Cümə, kasıbların həccidir, möminlərin bayramıdır və göy əhlinin bayramıdır və Cənnətdə də bayram günüdür.”

 “Günlərin ən yaxşısı, ən şərəflisi Cümədir.”