SÖHBƏT KƏNARINDAN YEMƏK

Sual:  Uşaqlara, “Yeməyin kənarından yeyin, ortasından yeməyin, çünki ortasından mələklər yeyər” demək uyğun olarmı?

CAVAB

Önünüzdən yeyin demək doğru, ancaq mələklər ortasından yeyər demək səhvdir, çünki mələklər yeyib içməzlər. Yeyib-içmək ehtiyacları yoxdur. Bərəkət yeməyin ortasına enər. Bir hədisi-şərif məali belədir: “Bərəkət yeməyin ortasına enər. Onun üçün yeməyin ortasından yeməyin!” (Tirmizi).

Yeməyə duzla başlamaq

Sual:  Yeməyə duzla başlayıb duzla bitirməyin sünnət və şəfa olduğu S. Əbədiyyədə yazılıdır. Çörəkdəki duza niyyət edilərsə sünnət yerinə gələrmi, duzla başlamaq şərtdirmi?

CAVAB

S. Əbədiyyədə, o qismin sonunda, “İlk və son tikə çörəklə edilər və çörəkdəki duza niyyət edilərsə, bu sünnət yerinə yetirilmiş olar” deyilir. Diqqəti çəkməmək üçün çörəkdəki duza niyyət etmək yaxşı olar.

Molla Cami həzrətlərinin məclisinə, böyük şəxslərin hüzurunda icazəsiz danışmaq olmaz qaydasını bilməyən bir nəfər gəldi. Dini mövzularda çoxbilmişlik etməyə başladı. Sonra süfrə qurulub yemək yeyilməyə başlandı. Süfrədə duz yox idi. O şəxs Molla Cami həzrətləri duzla başlamağı unutdu, zənn edərək onu xəbərdarlıq etmək və özünün ayıq olduğunu göstərmək üçün ev sahibinə, “Sünnətdir, mən yeməyə duzla başlayıram, mənə duz gətir” dedi. Bu hala kədərlənən Molla Cami həzrətləri, “Çörəkdəki duza niyyət edə bilərsən”  buyuraraq bu hərəkətin ədəbsizlik olduğunu xatırlatmaq istədi.