MƏNKİBƏ BİZDƏN NƏ ÖYRƏNDİN (2)

- Üçüncüsü, nədir övladım?

- Yenə dediniz ki: “nsanların ən alçağı, böyükləri özü kimi zənn edənlərdir. Böyüklər, Peyğəmbər əfəndimizin varisləridir. Ana bətnində şaki (cəhənnəmlik) olanlar, böyüklərə dil uzadar, səid (Cənnətlik) olanlar isə nə qədər günahkar olsa belə, onlara dil uzatmazlar. Allahu Təalanın rizası, onların iki dodağı arasındadır. İnkar edənlər Peyğəmbər əfəndimizin vaxtında yaşasalardı, Onu da inkar edərdilər. Sevip tabe olanları o zaman yaşasalardı, əshabi-kiram olardılar. Çünki yol eynidir. Allahu təaladan gələn nemətlərin şərti yoxdur, dinli-dinsiz, istəsin-istəməsin hər kəsə gələr. Ancaq Peyğəmbər əfəndimizdən gələn nemətlərin iki şərti vardır, birincisi Onu təsdiq etmək, ikincisi Onu sevməkdir. Gələn nemətlərin dərəcəsi bu sevgiyə bağlıdır. Bu, Rəsulullah əfəndimizin sağlığında belə idi. Vəfatından sonra nə oldu? Nə olduğunu şəxsən özü bildirir: “Qəlbimdə nə varsa, qardaşım Əbu Bəkrin qəlbinə axıtdım” buyurur. Bu əmanətlər silsilə yolu ilə varislərindədir. Sevməyin və inkarın hara getdiyini unutmamaq lazımdır. Sevmək itaət deməkdir, tam etməsə belə boyun büküb, qüsurunu qəbul etməkdir.”

Ona görə də Xocam, bu üç şey mənə çox təsir etdi, inandım, tətbiq etməyə çalışıram, çox rahat etdim.

- Bu üç şeydən başqa bir şey öyrənmədinmi? Məsələn Əhli-sünnə etiqadı, namaz, oruc, bidətin zərəri kimi xüsusları öyrənmədinmi?

- Bəli Xocam, onların hamısını öyrəndim amma, bu üçü məni təsir etdiyi üçün, bunları saydım.

- Maşallah bu hal üzrə davam edərsən, umduqlarına qovuşar, qorxduqlarından əmin olarsan.