ABDÜLQADİR QEYLANİ HƏZRƏTLƏRİ BUYURDU Kİ...

Abdülqadir Qeylani həzrətlərinin insanları qəflətdən xəbərdar edən, özlərinə gəlməsinə vəsilə olan bir çox sözü vardır. Bunlardan bəziləri bunlardır:

 “İnsanlara rəhbərlik edən kimsədə bu xislətlər olmazsa, o rəhbərlik  edə bilməz. Qüsurları örtən və bağışlayan olması, şəfqətli və mülayim olması, doğru sözlü və yaxşılıq edən olması, yaxşılığı əmr edib, pisliklərdən çəkindirici,  qonaqpərvər və gecələri insanlar yatarkən ibadət edən olması, alim və cəsur olması.”

 “Şükrün əsası, nemətin sahibini bilmək, bunu qəlb ilə etiraf etmək və dillə söyləməkdir.”

 “Böyük alimlərə tabe olun, bidət yoluna, dində olmayıb, sonradan çıxarılan şeylərə meyl etməyin. İtaət edin, müxalif etməyin. Səbr edin, sızlamayın. Sabit qalın, ayrılıb dağılmayın. Gözləyin, ümid kəsməyin.  Özünüzü günahdan təmizləyin, çirklətməyin. Hələ Rəbbinizin qapısından heç ayrılmayın.”

 “Qəlb dünya arzularından birinə bağlı qaldığı və müvəqqəti ləzzətlərdən birinin arxasına ilişib getdiyi müddətcə, imkanı yoxdur ki, axirəti sevmiş ola.”

 “Mömin, insanlara qarşı üzündən sevincli olduğunu göstərər. Lakin özü kədərlidir. Peyğəmbər əfəndimiz: “Möminin sevinci üzündədir. Halbuki qəlbi kədərlidir” buyurmuşdur. Möminin təfəkkürü, düşünməsi, ağlaması çox, gülməsi azdır. Təbəssümü ilə ürəyindəki kədəri gizləyər. Çöldə dolanışığını təmin etməklə məşğul kimi görünər, ürəyi Rəbbini zikr etməklə məşğuldur.  Uşaqları ilə məşğul olur kimi görünər, ürəyi Rəbbi ilədir.”

 “İnsanlara göstəriş üçün əməl edib sonra da bunu Allahu təalanın qəbul etməsini istəmək insana yaraşarmı? Həvəsi, ərköyünlüyü, azğınlığı və dünyaya düşkünlüyü burax. Sevincini bir az azalt. Bir az kədərli ol. Peyğəmbər əfəndimiz başqasının qəlbini fərəhləndirmək üçün təbəssüm edərdi.”