ƏHLİ-SÜNNƏT ETİQADINDA OLMAĞIN ƏLAMƏTLƏRİ (2)

7. Açıq-aydın günah işlədiyi bilinməyən hər imamın arxasında namaz qılmalıdır. Bu hökm cümə və bayram namazlarını qıldıran əmirlərə və valilərə də şamil edilir. 

8. Müsəlmanlar başındakı  əmirlərinə, idarəçilərinə üsyan etməməlidir. Üsyan etmək fitnə çıxarmaq olur və müxtəlif fəlakətlərə yol açır. Rəhbərlərin xeyirli işlə məşğul olması üçün dua etməli və günah işlərdən əl çəkmələri üçün şirin

dil ilə nəsihət etməlidir.

9. Dəstəmaz alarkən ayaqları yumaq əvəzinə, heç üzr və zərurət olmasa belə, yaş əl ilə bir dəfə məst üzərinə məsh etmək, kişi üçün də qadın üçün də caizdir (icazə verilir). Çılpaq ayaq və corab üzərinə məsh etmək olmaz.

10. Peyğəmbərimizin (sallallahu aleyhi və səlləm) Meracının həm ruh, həm də bədən ilə olduğuna inanmalıdır. “Merac bir haldır, yəni yuxuda olmuşdur”, deyənlər Əhli-sünnətdən ayrılarlar. Cənnətdə möminlər Allahu təalanı görəcəklər. Qiyamət günündə Peyğəmbərlər və saleh, yaxşı insanlar şəfaət edəcəklər. Qəbir sualı vardır. Qəbirdə əzab ruh və bədənə olacaqdır. Övliyanın kəraməti haqdır. Kəramət Allahın sevgili qullarında meydana gələn xariqüladə hallar olub, Allahu təalanın adətindən kənar, yəni fizika, kimya və biologiya qanunlarından kənar ikram və ehsan etdiyi şeylərdir və inkar edilməyəcək qədər çoxdur. Qəbirdə ruhlar dirilərin etdiklərini və söylədiklərini eşidirlər. Qurani-Kərim oxumaq, sədəqə vermək və hətta bütün ibadətlərimizin savablarını ölülərin ruhlarına göndərmək, onlara fayda verir, əzablarının azaldılmasına və ya qaldırılmasına səbəb olur. Bunların hamısına inanmaq Əhli-sünnət etiqadında olmağın əlamətlərindəndir.