SÖHBƏT RƏHMƏT MƏLƏKLƏRİ

Rəhmət mələkləri, hafaza mələkləri və ölüm mələyi ayrıdır. Vəzifələri də ayrıdır. Rəhmət mələkləri bu yerlərə girməz:

1- İçində canlı rəsmi və ya heykəli olan otağa,

2- İçki içilən və içki olan yerə,

3- Qumar oynanan və ya qumar aləti olan yerə,

4- Günah işlənən yerə,

5- Köpək olan yerə,

6- Qüslsüz olan otağa,

7- Çalğı alətləri olan otağa,

8- Qonaq gəlməyən evə,

9- Övrət yeri açıq dayananın olduğu yerə,

10- Ana-ataya asi olunan evə (Nisabül-ahbar).

Mələk girməyən evə şeytan girər. Şeytan da pislik etdirməyə çalışır. Rəhmət mələkləri bir evə girməzsə, onların faydalarından və edəcəyi dualardan məhrum qalırıq. Bu mövzudakı bir neçə hədisi-şərif belədir:

“Bir evə qonaq gələndə mələklər süfrədə ev sahibinə dua edər.” [Tabərani]

“Süfrədə sirkə yeyənə mələklər dua edər.” [İ.Asakir]

“Allahu təalanın zikr edildiyi yerlərə mələklər rəhmət saçar.” [Ebuşşeyh]

“Mələklər sahura qalxana dua edər.” [İ. Əhməd]

“Quranı xətm edənə 60 min mələk dua və istiğfar edər.” [Deyləmi]

“Bir kimsə, namaz qıldığı yerdən ayrılana qədər, mələklər, “Ya Rəbbi, buna rəhmət et!” deyə dua edərlər.” [Nəsai]

“Mələklər, yaxşılıq öyrədənə dua edərlər.” [Tirmizi]

“Yatağa dəstəmazlı uzanan üçün bir mələk sabaha qədər, “Ya Rəbbi, bunu bağışla!” deyə dua edər.” [Hakim]

Ölüm xəstəsinin olduğu otaqda, heyzli qadın və ya mələk girməsinə mane olan başqa şey olmamalıdır. Mömin ruhunu təslim edəcəyi vaxt rəhmət mələklərini görüb, can vermə ağrısını hiss etməz. Oraya rəhmət mələkləri girməzsə, o kimsə ölərkən sıxıntılara məruz qala bilər. Onun üçün rəhmət mələklərinin girməsinə mane olacaq iş etməməlidir.