SÖHBƏT QONŞUNUN SALLANAN MEYVƏLƏRİ

Sual: Qonşunun bağçasındakı ağacın bizim bağçaya sallanan budaqlarındakı meyvələrdən və yerə düşənlərdən yemək caiz olar?

CAVAB

                Caiz olmaz. Ağacdan hər kəsin keçdiyi küçəyə düşmüş isə, qoz kimi çürüməyənləri, sahibinin icazə verdiyi bilinirsə yemək caiz olar. Gilas kimi çürüyəcək meyvə isə sahibinin qadağan etdiyi bilinmədikcə dərib yeyilə bilər. Dərib evinə aparmaq caiz deyildir.

Kirayəçi

Sual: Kirayəçi evin bağçasındakı meyvələri  yeyə bilər?

CAVAB

                Ev sahibinin icazəsi varsa yeyər. Ağacı əkəndən icazə almaq lazımdır.

Sual: Qonşumuz bağçamızın bir qisminə sahiblənib oraya meyvə ağacları əkdi. Ağacların indi meyvələri var. Bu yerimizi məhkəmə ilə aldıq. Ağacların meyvəsini yeyə bilərik?

CAVAB

                Əkən  kimsədən yəni qonşudan icazə almadıqca yemək caiz olmaz.     

Ağac əkənindir

Sual: On il əvvəl ağac əkdiyim tarla başqasına aid imiş. Sənədi alanda anladıq. Ağacların meyvəsi bizim deyilmi? Ağacları tarla sahibinə satmağımım caiz olar?

CAVAB

                Siz əkdiyiniz üçün ağaclar sizindir. Sata bilərsiniz və ya meyvəsini yeyə bilərsiniz.

Sallanan ağac budağı

Sual: Qonşunun ağacının evimizə uzanan və bizə zərər verən budaqlarını dinən kəsmə haqqımız var?

CAVAB

                Qonşuya ağacın sizə zərər verən budağını kəsməsini xahiş etmək lazımdır. Yəni, xoşluqla həll etməyə çalışmaq lazım. Dinən mənim haqqım var deyərək mübahisəyə girməmək lazımdır.

                Bir kimsənin bağçasındakı ağacın budaqları qonşusunun evi və ya bağçasa tərəf uzansa, o budaqları bağlayaraq geri çəkdirməyə və ya kəsdirməyə qonşusunun haqqı vardır.  Ağac sahibinə müraciət edib, budaqlarını çəkmədiyi təqdirdə, bağça sahibi kəsə biləcəyi kimi, kəsdirmə xərcini də ağac sahibindən istəyə bilər. (Məcəllə 1196-cı maddə)