ŞER VƏTƏN VAR

Hardaysa bu dəmdə

Dəryada batan var.

Vardırsa köməksiz

Fəryada çatan var.

Dünyada alandan

Əvvəlcə satan var.

Atəş öz-özündən

Birdən-birə yanmır.

Bir şey bu cahanda

İzsiz və səbəbsiz

Bihudə yaranmır.

Vardırsa, yaranmış,

Mütləq yaradan var.

Varsansa... özündən

Əvvəlcə atan var.

Dünya quru bir səs,

Qəm çəkməyə dəyməz.

Yüz-yüz itən olsun,

Min-bir də bitən var.

Şükr eyləyəlim ki,

Bizlərdən həm əvvəl,

Həm sonra Vətən var.

 

(Bəxtiyar Vahabzadə)