MƏNQİBƏ RUZİ (2)

Kişilər yanıma gəldi, bu əsiri bizə satarsanmı dedilər. Sataram dedim. 60 qızıl verərik dedilər. Razılaşmadım. Yaxşı amma sən bunu 30 qızıla almamısanmı? Biz sənə iki mislini veririk dedilər. Elə isə gedin bazardan alın dedim. Artıra-artıra 20 min qızıla qədər çıxdılar. 30 mindən aşağı olmaz dedim. Çarəsiz qəbul etdilər. Qızılları verib, gənci də götürüb getdilər. Mən o 30 min qızılla iş yerləri açdım, ticarətlə məşğul oldum, daha çox zəngin oldum. Bir gün mənə yoldaşlarım çox zəngin bir ailənin yaxşı bir qızı var. Atası təzəlikcə vəfat edib. Onunla səni evləndirək dedilər. Mən  də razılaşdım.  Nikah kəsildi, dəvə yüklü cehizini gətirdilər. Cehizlərin arasında bir torba diqqətimi cəlb etdi, qıza bu nədir dedim. İçində 970 qızıl var, atam Kəbədə bunu itirmiş, tapan gəncə 30-unu vermişdir. Qalanını da mənə hədiyyə etdi, cehizinə qoyarsan dedi. Demək ki, tapdığım qızıllar mənim ruzim imiş, verməsəydim haram yoldan gələcəkdi, indi halal yoldan yenə mənə gəldi.

MƏNQİBƏ                             İYİRMİ SANİYƏDƏ EDƏCƏKSƏN?

Cüneydi Bağdadi həzrətlərinə bir gün şeytan deyər ki:

- Ya Cüneyd, sənin qədər yüksək dərəcəyə çatan başqa bir böyük şəxs tanımıram. İyirmi ildir ki, sənə heç bir istəyimi etdirməyə müvəffəq ola bilmədim, bunu necə bacardın?

Cüneydi Bağdadi həzrətləri dedi ki:

- Rədd ol get lənətlənmiş! İndi də məni özünü bəyənmə xəstəliyinə salaraq məhv etmək istəyirsən! İyirmi ildə edə bilmədiyini iyirmi saniyədə edəcəksən?