SÖHBƏT ŞƏFAƏT

"Şəfaət” haqdır. Tövbəsiz ölən möminlərin kiçik və böyük günahlarının əfv edilməsi üçün, Peyğəmbərlər, Vəlilər, Salehlər, Mələklər və Allahü təalanın icazə verdiyi kəslər, şəfaət edəcək və qəbul ediləcəkdir. Peyğəmbərimiz "sallallahu təala əleyhi və səlləm", “Ümmətimdən böyük günah işləyənlərə şəfaət edəcəyəm” buyurmuşdur. Məhşərdə, şəfaət beş cürdür:

Birincisi, qiyamət günü, məhşər yerində izdihamdan, çox uzun gözləməkdən usanan günahkarlar, fəryad edərək, hesabın bir an əvvəl edilməsini istəyəcəklər. Bunun üçün şəfaət olunacaqdır.

İkincisi, sorğu-sualın, hesabın asan və tez olması üçün, şəfaət ediləcəkdir.

Üçüncüsü, günahı olan möminlərin, Sıratdan Cəhənnəmə düşməmələri, Cəhənnəm əzabından qorunmaları üçün şəfaət olunacaqdır.

Dördüncüsü, günahı çox olan möminləri Cəhənnəmdən çıxarmaq üçün şəfaət olunacaqdır.

Beşincisi, Cənnətdə saysız nemətlər olacaq və sonsuz qalınacaq isə də, səkkiz dərəcəsi vardır. Hər kəsin dərəcəsi, mövqei, imanının və əməllərinin miqdarı qədər olacaqdır. Cənnətdəkilərin dərəcələrinin yüksəlmələri üçün də şəfaət olunacaqdır.

Cənnət və Cəhənnəm indi vardır. Cənnət, yeddi qat göylərin üstündədir. Cəhənnəm, hər şeyin altındadır. Səkkiz Cənnət, yeddi Cəhənnəm vardır. Cənnət, yer kürəsindən və günəşdən və göylərdən daha böyükdür. Cəhənnəm də günəşdən böyükdür.