SÖHBƏT KÜFRƏ SƏBƏB OLAN ŞEYLƏR
Küfr (Allaha düşmən olmaq) üç növdür: küfri inadi, küfri cəhli, küfri hökmi.
Küfri inadi, Əbu Cəhl, Firon, Nəmrud və Şəddad küfrü kimi, dini, imanı bilərək inanmamaqdır. Bunlar Cəhənnəmlikdir, demək caizdir.
Küfri cəhli, kafirlərin avamına deyilir. Bunlar, bu dinin haqq olduğunu bilir və azanı-Muhammədi oxunarkən eşidirlər, lakin gəl müsəlman ol desən, biz ata-anamızdan belə gördük, belə də gedəcəyik, deyərlər.
Küfri hökmi, təzim, yəni hörmət olunacaq yerdə təhqir, təhqir olunacaq yerdə isə hörmət etməkdir.
Allahü azım-üş-şanın Övliyasını, Ənbiyasını və Uləmasını (alimlər), onların sözlərini, fiqh kitablarını və fətvalarını təzim etmək yerinə təhqir etmək küfrdür. Kafirlərin dini ayinlərini bəyənmək, zərurət olmadan zünnar taxmaq və keşişlərə məxsus olan başlıq, səlib (bir-birinə dik bitişdirilmiş iki çubuq, xaç) kimi küfr əlamətlərindən istifadə etmək və onları bəyənmək küfrdür.
Küfrün yeddi zərəri vardır: insanın dini və nikahı gedər. Onun kəsdiyi heyvan yeyilməz. Halal yoldaşıyla əlaqəsi zina olar. Onu öldürmək vacib olar. Cənnət ondan uzaqlaşar. Cəhənnəm ona yaxınlaşar. O halda ölərsə, cənazə namazı qılınmaz.
Bir şəxs öz razılığı ilə, “Filan şey filan şəxsdədir və ya onda yoxdur, əks halda kafir olum, yəhudi olum”, deyə and içsə, o şey o şəxsdə olsa da, olmasa da, and içən şəxs öz razılığı ilə küfr etmiş olur. İmanının və nikahının yenilənməsi lazımdır.
Zina, faiz, yalan kimi hər dində haram olan bir şey üçün, “kaş ki, halal olaydı, mən də edərdim”, demək küfrdür.