Untitled Document

NAMAZIN HİKMƏTLƏRİ “Namaz və sağlığımız” (2)

6. Bədənin sağlamlığı üçün təmizlik şübhəsiz lazımdır. Dəstəmaz və qüsl həm maddi, həm də mənəvi bir təmizlikdir. Məhz namaz təmizliyin əsl özüdür. Çünki həm bədəni, həm də ruhi təmizlik olmadan namaz olmaz. Dəstəmaz və qüsl bədənin təmizliyini təmin edər. İbadət etmək vəzifəsini yerinə yetirən ruhən istirahət etmiş, təmizlənmiş olar.

7. Praktiki müalicədə müəyyən zamanlarda edilən bədən hərəkətləri çox mühümdür. Namaz vaxtları qan dövranını təzələmək və tənəffüsü canlandırmaq üçün ən uyğun vaxtlardır.

8. Yuxunu tənzim edən əsas şərt namazdır. Hətta vücudda toplanan statik (durğun) elektriklənmə, səcdə etməklə torpaqlanmış olur. Beləcə, vücud təkrar gümrahlığa qovuşur.
Namazın bu faydalarına qovuşmaq üçün namazı vaxtında qılmaqla birlikdə təmizliyə, çox yeməməyə və yeyilən qidaların təmiz, halal olmasına diqqət edilməsi də lazımdır.

                          ŞER
Gəlib keçdi ömrüm tez, bir yel əsib keçmiş kimi,
Hələ mənə elə gəlir, gözüm yumub açmış kimi.
İş bu sözə Haqq şahiddir, canlar gövdəyə qonaqdır.
Bir gün ola, çıxa gedə, qəfəsdən quş uçmuş kimi.