Əyyub Sultanın vəfatı
Əyyub Sultanın adı Xalid bin Zeyddir. Əshabi-kiramın böyüklərindəndir. Rəsulullah Mədinəyə hicrət etdiyi zaman onun evində 7 ay qonaq olmuşdu. Bütün müharibələrdə iştirak etdi. Hicri 50-ci ildə Sultan bin Avf əmrilə İstanbula gələn əsgərlər arasında 33 əshabə var idi. Bunlardan Həzrəti Xalid dizenteriyadan vəfat etdi. Fateh Sultan Mehmedin hocalarından olan Akşəmsəddin həzrətləri qəbrini kəşf etdi. Üzərinə gözəl türbə ilə yanaşı bir məscid inşa etdirdi. Qəbrinin üzərindəki yazılar 2-ci Mahmuda aiddir. Türbədə asma lövhədəki 2 beyti Sultan 3-cü Səlim söyləmişdir. Osmanlı hökmdarları taxta çıxan zaman bu türbə önündə Cümə günü qılınc taxardılar. Bu mərasimə “Qılınc Alayı” deyilirdi.
QƏLBİMƏ TƏKƏBBÜR GƏLMƏSİNDƏN QORXDUM.
Övliyalardan bir nəfər, Ramazan günü tələbələri ilə birlikdə bir şəhərə getmək üçün yola çıxdılar. Şəhərə yaxınlaşanda insanların axın-axın onları qarşılamaq üçün yollara çıxdığını gördülər. Mübarək övliya dərhal xurcunundan quru bir çörək çıxarıb ağzına atdı. Bunun görən əhali, “Biz də bu insanı alim bir övlia hesab edirdik, Ramazan günü oruc tutmayıb, üstəlik də acıq-acığına orucunu yeyir. Belə bir insanla söhbət etmək olarmı?” deyərək dağılışdılar.
Tələbələri etdiyi hərəkətin səbəbini soruşduğu zaman: “O qədər insanın bizim üçün yollara çıxdığını görəndə qəlbimə təkəbbür və böyüklənmə gəlməsində qorxdum, onların gözündən düşüb nəfsimi alçaltmaq üçün bunu etdim. Çörəyi dişlədim, amma udmadım. Hər kəs çörəyi yediyimi zən etdi. Qəlbimə kibir yerləşərək Allahü təalanın qəzəbinə səbəb olsaydım, halım necə olardı” dedi.