ALLAHÜ TƏALANIN SIFATLARI (XÜSUSİYYƏTLƏRİ) (2)
SIFATI SÜBUTİYYƏ (Sübuti xüsusiyyətləri)
- Həyat: Allahü-Təala diridir. Həyatı məxluqların həyatına bənzəməyib, zatına layiq və məxsus olan bir həyat ilə əzəli və əbədidir.
- Elm: Allahü-Təala hər şeyi bilir. Bilməsi məxluqatın bilməsi kimi deyildir. Qaranlıq gecədə qarışqanın qara daş üzərində yeridiyini görür və bilir. İnsanların qəlbindən keçən düşüncələrini, niyyətlərini bilir. Bilməsində dəyişiklik olmaz. Əzəli və əbədidir.
- Səm: (Eşitmə) Allahü-Təala eşidir. Vasitəsiz və cəhətsiz eşidir. Eşitməsi qulların eşitməsinə bənzəməz. Bu xüsusiyyəti də başqa xüsusiyyətləri kimi əzəli və əbədidir.
- Basar: (Görmə) Allahü-Təala görür. Alətsiz və şərtsiz görür. Görməsi göz ilə deyildir.
- İradət: Allahü-Təalanın istəməsi vardır. İstədiyini yaradır. Hər şey Onun istəməsilə var olur. İradəsinə mane ola bilən heç bir qüvvət yoxdur.
- Qüdrət: Allahü-Təala hər şeyə gücü çatandır. Heç bir şey ona çətin gəlməz.
- Kəlam: Allahü-Təala söyləyicidir. Söyləməsi alət, hərflər, səslər və dil ilə deyildir.
- Təkvin (Yaratmaq): Allahü-Təala yaradandır. Ondan başqa yaradan yoxdur. Hər şeyi O yaradır. Allahü-Təaladan başqasına yaradan deməmək lazımdır.
Allahü-Təalanın xüsusiyyətlərinin həqiqətlərini anlamaq da mümkünsüzdür. Heç bir kimsə və heç bir şey Allahü-Təalanın xüsusiyyətlərinə ortaq və bənzər ola bilməz.