Untitled Document

Qəbir sualları

Qəbir sualları çox mühümdür. Bunları hər kəsin bilməsi, övladlarına öyrətməsi lazımdır. Qəbirdə bu suallar soruşulacaq:
                Rəbbin kim?
                Dinin hansı dindir?
                Kimin ümmətindənsən?
                Kitabın nədir?
                Qiblən haradır?
                Etiqadda və əməldə məzhəbin nədir?
                Müsəlmanlar bu suallara belə cavab verirlər:
Rəbbim Allah.
                Dinim, İslam dinidir.
                Muhamməd aleyhissəlamın ümmətindənəm.
                Kitabım, Quranı-kərim.
                Qibləm, Kəbəi-şərifdir.
                Etiqadda məzhəbim Əhli-sünnət vəl-camaatdır. Əməldə məzhəbim hənəfidir. (Hansı alimin məzhəbindədirsə onu söyləyər).
İmanı olan cavab verəcək, imanı olmayan cavab verə bilməyəcəkdir. Doğru cavab verənlərin qəbri genişlənəcək, buraya Cənnətdən bir pəncərə açılacaqdır. Sabah və axşam Cənnətdəki yerlərini görüb, mələklər tərəfindən yaxşılıqlar ediləcək, müjdələr veriləcəkdir.
Bu suallara cavab verə bilməyənlər qəbirdə əzab görəcək, bağırmasını insandan və cindən başqa hər məxluq eşidəcəkdir. Cəhənnəmdən bir pəncərə açılacaq, sabah axşam Cəhənnəmdəki yerini görüb, məzarda məhşərə qədər acı əzablar çəkəcəkdir.