Untitled Document

PİS ƏXLAQLAR: (1)

1. Küfr.
2. Cəhalət.
3. Rüsvay olmaq qorxusu. (İnsanların pisləmələrindən, qınamalarından, biabır olmasından qorxub haqqı qəbul etməmək.]
4. Təriflənməyi sevmək. (Özünü bəyənib, təriflənməyi sevmək).
5. Bidət etiqad. (Düzgün olmayan iman).
6. Həvay-i nəfs. (Nəfsin istəklərinə, ləzzətlərinə, ehtiraslarına tabe olmaq).
7. Təqlid ilə iman. (Bilmədiyi kimsələri təqlid).
8. Riya. (Göstəriş. Axirət əməlləri edərək dünya arzularına qovuşmaq)
9. Tul-i əməl. (Zövq və səfa sürmək üçün çox yasamağı istəmək).
10. Tamahkarlıq. (Dünya ləzzətlərini haram yollardan axtarmaq).
11. Təkəbbürlülük. (Özünü üstün görmək).
12. Təzəllül (Özünü alçatmaq, yaltaqlanmaq).
13. Ucb. (Etdiyi yaxşılıqları, ibadətləri bəyənmək).
14. Həsəd. (Qısqanmaq, zəhləsi getmək, nemətin ondan getməsini istəmək. Əbülleysi Səmərqəndi deyir ki, “Üç nəfərin duası qəbul olunmaz: Haram yeyənin, qeybət edənin, həsəd aparanın.)
15. Hiqd. (Başqasını aşağı görmək).
16. Şəmatət. (Başqasına gələn bəlaya, zərərə sevinmək).
17. Hicr. (Dostluğu tərk edib kin saxlamaq).
18. Cübn. (Qorxaqlıq, şücaətin az olması).
19. Təhəvvür. (Qəzəbin, sərtliyin həddindən artıq və zərərli olması.]
20. Qədr. (Əhdində və sözündə durmamaq).
21. Xəyanət. (Münafiqlik əlaməti; etibarı aradan qaldıran söz və iş.]
22. Vədini pozmaq. (Verdiyi sözü pozmaq. Hədisi-şərifdə “Münafiqlik əlaməti üçdür: Yalan söyləmək, vədini ifa etməmək, əmanətə xəyanət etmək” buyuruldu).
23. Sui-zənn. (Kiminsə haqqında pis düşünmək haramdır. Günahlarının əfv olunmayacağını zənn etmək, Allahü-Təalaya sui-zənn olar. Möminləri haram işləyən, yəni günahkar zənn etmək sui-zənn olur.]
24. Var-dövlətə məhəbbət. (Mala düşkün olmaq).
25. Təsvif. (Xeyirli iş görməyi sonraya saxlamaq). Hədisi-şərifdə, “Beş şey gəlmədən əvvəl beş şeyin qiymətini bilin: Ölmədən əvvəl həyatın qiymətini, xəstəlikdən əvvəl səhhətin qiymətini, dünyada axirəti qazanmağın qiymətini, qocalmaqdan əvvəl gəncliyin qiymətini, kasıblıqdan əvvəl zənginliyin qiymətini” buyuruldu).