BÖYÜK GÜNAHLAR (4)
69. Bir namaz vaxtını qaçıracaq zaman qədər cünüb (qüslsüz) gəzmək.
70. Adətli və nifas halında olan arvadına yaxın olmaq.
71. Mahnı oxumaq. Əxlaqsız mahnıları söyləmək, musiqi, çalğı alətlərindən istifadə etmək.
72. İntihar etmək, yəni özünü öldürmək.
Siğə nikahı, müvəqqəti nikah haramdır. Qadınların, qızların, başı, saçı, qolları, ayaqları açıq küçəyə çıxmaları haram olduğu kimi, incə, bəzəkli, dar, xoş ətirli paltar ilə çıxmaları da haramdır.
Dizi ilə göbəyi arası dar paltar ilə örtülmüş qadına ehtirassız da baxmaq haramdır. Yad qadının iç paltarlarına şəhvətlə baxmaq haramdır. Sıx, dar örtülmüş, digər övrət yerlərinə şəhvətlə baxmaq haramdır. Şəhvətə, harama səbəb olan rəsmləri düzəltmək, çap etmək, çəkmək haram olar. (Haramlara, “nə var bunlarda”, demək küfr olar). Dəstəmaz və qüsldə, lazımı miqdardan artıq su istifadə etmək israf olub, haramdır. Keçmiş övliyaya dil uzatmaq (söymək), onlara cahil demək, sözlərindən əhkami islamiyyəyə uymayan mənalar çıxarmaq, öldükdən sonra da kəramət göstərdiklərinə inanmamaq və ölüncə övliyalıqları bitər sanmaq və onların qəbirləri ilə bərəkətlənənlərə mane olmaq, müsəlmanlara sui-zənn (şübhə etmək), zülm etmək, mallarını qəsb etmək kimi və həsəd, iftira, yalan söyləmək və qeybət etmək kimi haramdır.