Bidət əhli Cənnətə girəcək?
Bidət əhli imanındakı səhvliyi səbəbindən mütləq Cəhənnəmə girəcək. Bağışlanması mümkün deyil. Yəni bağışlanmayacağı bildirilmişdir.
Bidət əhli imanla ölərsə, sonunda, əlbəttə, Cənnətə girər. Lakin bu dövrdə əhli-sünnə etiqadında olmayanın küfrə düşməməyi, imanla ölməyi imkansız deyiləcək qədər çətindir. Müxtəlif haramları işləməkdən çəkinməyən əhli–sünnə etiqadındakı şəxsin də bidət əhli kimi küfrə düşməsi çox asandır. Namaz qılmayan, içki içən birisinin küfrə düşməsi an məsələsidir. Çünki onda dini qayğı qalmamışdır. Rahat şəkildə küfrə düşürən söz və hərəkətə yol verə bilər. Namaz qılmadığı və içki içdiyi üçün deyil, bu günahları xəfifə aldığı və bu da onu küfrə düşürə biləcəyi üçün Cəhənnəmlik ola bilər.
Bir şəxs icma ilə və zəruri olaraq bildirilməmiş olan inanılacaq şeylərdə mənası açıq şəkildə başa düşülməyən nasslara (ayəti-kərimə və hədisi-şərif) yalnış məna verərsə, ona bidət əhli deyilir. Lakin dində inanılması zəruri lazım olan şeylərə inanmayan, yəni hər müsəlmanın eşidib bildiyi şeyləri təvilini bilmədən rədd edən küfrə düşər.
Şirin dil
Peyğəmbər əfəndimizin sözləri çox şirin olub, könülləri alır, ruhları cəzb edərdi. Hər kəsi gülər üzlə qarşılayar, çətinliklərə səbir edərdi. Bu şirin dili, gülər üzü və səbri ilə Ərəbistanın sərt, tərs insanlarını itaətə gətirdi.
Gözəl əxlaqlı, yumşaqlığı, əfvi, səbri, ehsanı, ikramı o qədər çox idi ki, hər kəsi heyran edirdi. Görənlər, eşidənlər sevə-sevə Müsəlman olurdular.
Yaxşı bir müsəlman olmaq və İslamiyyəti yaymaq üçün Peyğəmbər Əfəndimizin bu gözəl əxlaqı ilə əxlaqlanmağa çalışmalıyıq.
İslam böyükləri dinin bir əmrini bildirərkən qarşısındakını təhqir etmədən şirinliklə bildirərdilər.