Kokoslu Mereng (Beze)
Qeyd: Kokos lopalarını sobada bir az qızartdığınızda onların dadı daha da dərinləşir. Amma bu addım zəruri deyil. İstəyə görə, lopalar elə olduqları kimi, qızardılmadan da bezeyə əlavə edilə bilər.
31 beze üçün
Ərzaqlar:
yarım stəkan şirin kokos lopaları, 3 ədəd iri yumurtanın ağı, bir çimdik duz, yarım stəkan şəkər tozu, 1/4 çay qaşığı vanil ekstraktı,
1/8 çay qaşığı kokos ekstraktı (zəruri deyil)
1 xörək qaşığı kakao tozu (şirin olmasın)
Hazırlanması:
Əgər merengə qızarmış kokos əlavə etmək istəyirsinizsə, onda kokos lopalarını belə hazırlayın. Sobabı 180Cdək qızdırın. Lopaları soba listinə bir lay düzün. Sobanın orta təbəqəsində 5 dəqiqə bişirin. Tez-tez baxın ki, lopalar yanmasınlar. Üstləri bir az qızardığında lopalar hazırdır. Listi sobadan çıxardıb, lopaları bir qaba qoyun.
Sobanın hərarətini 130C-dək azaldın. 2 iri listin dibinə kalka kağızı sərin.
Yumurta ağları və duzu bir qabda mikserlə köpüklənənədək çalın.
Tədricən, qaşıq-qaşıq, şəkər tozunu əlavə edib, çalmağa davam edin. Hzır kütlə mikserin çəngəliylə qaldıranda tökülməməlidir. Ekstraktları əlavə edib qarışdırın. Yavaşca kokos lopalarını əlavə edib, qarışdırın. Çox qarışdırmayın, yoxsa merenglər şişməz.
Kütlədən xörək qaşığı qədər götürüb listə bir-birilərindən 5 sm aralıqda bezelər düzün.
Listin birinin sobanın alt yerində, digəri isə üst yerində olmaq şərtilə merengləri 30 dəqiqə bişirin. Sonra listlərin yerini dəyişib, 30 dəqiqə də bişirin. Merenglərin üstü azacıq qızaracaq, amma çox deyil. Sobadan çıxardın. Soyuduqdan sonra üzərilərinə kakao tozu səpin.