BADIMCAN BORUCUQLARI
4 porsiya üçün nəzərdə tutulub
Ərzaqlar
2 iri badımcan 8 xörək qaşığı bitki yağı 2 xörək qaşığı mayonez 4 diş əzilmiş sarımsaq ½stəkan xırda doğranmış qoz 1 ½ stəkan xırda doğranmış cəfəri və ya keşniş.
1. Badımcanları qabıqlarını soymadan ½ santimetr qalınlığında uzunsov dilimlərə kəsin. Aşağıdakı 1 üsuldan birini istifadə edərək badımcanların acısını çıxardın. A) Badımcanı bir qaba yığın və üzərinə təxminən 2 xörək qaşığı duz səpin. Üzərinə ağırlıq (qapaq və ya qab) qoyun və qoyun 30 dəqiqə müddətində kənarda qalsın. Sonra badımcanları yuyun, yaxşıca süzün və qalın salfet və ya kağız dəsmalla qurulayın. B) Badımcan dilimlərini su doldurulmuş dərin bir qaba və ya ləyənə qoyun, üzərinə ağırlıq (qapaq və ya qab) qoyun. 30 dəqiqə müddətində kənarda qalsın. Sonra badımcanları yaxşıca süzün və qalın salfet və ya kağız dəsmalla qurulayın.
2. Tavada yağı qızdırın. Badımcan dilimlərinin hər iki tərəfini təxminən 5 dəqiqə ərzində qızardın. Tavadakı yağ azaldısa, bir qədər yağ əlavə edin. Badımcanları tavadan çıxardın və üzərinə salfet sərilmiş dayaz qaba yığıb təxminən 5 dəqiqə müddətində yağını süzdürün. VARİASİYA: Badımcan dilimlərini sobada da qızartmaq olar. Bunun üçün folqa kağızını azca zeytun yağı ilə yağlayın. Dilimləri folqanın üstünə düzün və üzərlərinə azca zeytun yağı sürtün. 230C-lik sobada təxminən 20-25 dəqiqə və ya üstü qızaranadək bişirin. Bu müddət ərzində dilimləri digər tərəfinə çevirin ki, hər iki tərəf eyni qızarsın.
3. Dilimlər bir az soyuduqdan sonra, hər birinin üzərinə (bir tərəfinə) təxminən 1 çay qaşığı mayonez sürün, bunun da üzərinə əzilmiş sarımsaq, qoz və bol-bol göyərti səpişdirin. Dilimləri rulet şəlkində qatlayın. Nuş Olsun!