BƏS SƏN VARLI İDİN?
İbrahim Ədhəm həzrətlərinə bir nəfər gəlir və ona bir miqdar pul hədiyyə etmək istəyər.
- Mən zənginin verdiyini alaram. Kasıbsansa, verdiyini almaram.
- Zənginəm əfəndim.
- Neçə qızılın var?
- İki min qızılım var.
- Bu pulun dörd min qızıl olmasını istəyərsən?
- İstəyərəm.
- Altı min olmasını istəyərsən?
- Əlbəttə istəyərəm.
- Yəni, nə qədər çox olarsa daha artığını istəyərsən, helə mi?
- Əlbəttə əfəndim.
- Bəs sən zəngin idin? Sən demə kasıb imişsən. Zəngin olsaydın daha artığına ehtiyacın olmazdı. Get bunları da o pulun üstünə qoy bir az artsın.
6-8 porsiya üçün nəzərdə tutulub:
1 ədəd iri kütüm, 1 ədəd iri baş soğan, 1 ½ stəkan qoz ləpəsi, 2 xörək qaşığı palçıq turşu + üstünə və içinə sürtmək üçün (lavaşana da istifadə edə bilərsiniz: bunun üçün lavaşananı isti suda yumşalana qədər həll edin), zövqə görə duz, zövqə görə istiot.
1. Balığın pulcuqlarını təmizləyin, içalatını çıxardın. Sonra isə balığı yuyun və yaxşıca qurulayın. İçini və üstünü duzlayıb istiotlayın.
2. Ləvəngi içini hazırlayın. Soğanı ət maşınından keçirin. Tənzifə qoyun və suyunu yaxşıca sıxın. Qozu da maşından keçirin. Bir qabda soğanı, qozu, palçıq turşunu, və zövqə görə duz-istiotu qarışdırın.
3. Sobanı 180˚C-dək qızdırın.
4. Balığın içinə və üstünə palçıq turşu sürtün. İçini ləvəngi içiylə doldurun. Balığı mətbəx ipiylə tikin və yaxud kokteyl çubuğuyla (cocktail stick) bərkidin.
5. Balığı soba listinə qoyub qızdırılmış sobada üstü qızarana və içi bişənədək (təxminən 45 dəqiqə ərzində ) bişirin.
6. Yanında narşərabla süfrəyə verin. Nuş Olsun!