Untitled Document

YEMƏKDƏN ÖNCƏ ƏL YUMAĞIN HÖKMÜ

Yeməkdən əvvəl, sünnət olduğunu düşünərək, əlləri yumağın on faydası vardır.
Bir kimsə təam yemək üçün əllərini yuduqdan sonra yaş olan barmaqlarının ucunu gözlərinin qapağına qoyub geriyə doğru silsə, o şəxs, Allahü təalanın izni ilə göz ağrısı görməz. On fayda:

1. Ərşi-rəhman altında bir mələk deyər: “Əlini pak etdiyin kimi, sənin (kiçik) günahların pak oldu.”
2. Nafilə namaz qılmış kimi savaba nail olar.
3. Kasıblıqdan əmin olar.
4. Sıddıqların savabına nail olar.
5. Mələklər onun üçün Allahdan əfv diləyər.
6. Hər tikənin müqabilində, bu tikələri sədəqə vermiş kimi savaba nail olar.
7. Bəsmələ ilə yedikdə günahları təmizlənər.
8. Yeməkdən sonra etdiyi duası qəbul olar.
9. O gecə ölərsə, şəhidlik dərəcəsinə çatar.
10. Gündüz ölərsə, şəhidlər sırasına yazılar.

Yeməkdən əvvəl əlləri yumaq və qurulamamaq sünnətdir.
Yeməkdən sonra, sünnəti yerinə yetirmək niyyəti ilə əlləri yumağın altı faydası var:

1. Ərşi-rəhman altında bir mələk deyər: “Ey mömin! Rəsulullah (sallallahü təala aleyhi və səlləm) səndən razı oldu.”
2. Bu nemətə məxsus savaba nail olar.
3. Bədənindəki tüklərin sayı qədər savab qazanar.
4. Rəhmət dəryasından nəsibi olar.
5. Əlindən axan damlaların sayı qədər savab qazanar.
6. Vəfat etdikdə, şəhid olar.