EVLƏNMƏK HAQQINDA
Evlənməkdə çox fayda vardır. Əvvəla, evlənmiş olan dinini qorumuş olar. Təbiəti, xasiyyəti gözəl olar. Qazancında bərəkət olar. Həm də sünnətə uyğun hərəkət etmiş olar. Beləki, Peyğəmbərimiz (aleyhissalətü vəssəlam) buyurur: “Evlənin, çox övladınız olsun. Çünki mən qiyamətdə ümmətimin çoxluğu ilə digər ümmətlərə öyünəcəm.”
Ər və arvadın bir-birinə qarşı olan haqlarına riayət etməsi lazımdır.
Bir şəxs, evlənəcəyi zaman, araşdırıb, saleh, yəni dinində sağlam, möhkəm olan və məhrəm olmayan bir xanım tapıb almalıdır. Zinadan hamilə qalan qadına nikahlanmaq caizdir. Zina edən başqasıdırsa, uşaq olmadan əvvəl əlaqəyə girmək olmaz. (Feyziyyə).
Bir qızı malına və gözəlliyinə görə almaq olmaz. Belə ki, sonra zəlil olar. Peyğəmbərimiz (sallallahü təala aleyhi və səlləm) buyurmuşdur: “Kimsə malına və ya gözəlliyinə görə bir qız alsa, onun malından və gözəlliyindən məhrum olar.”
Kimsə dininə, əxlaqına görə qız alsa, Haqq təala onun malını və gözəlliyini artırar.
Qadın ərindən dörd şeydə aşağı olmalıdır: yaşı, boyu, qohumu, əqrəbası. Dörd şeydə qadın ərindən artıq olmalıdır: gözəllikdə, ədəbdə, gözəl xasiyyətdə, haramdan və şübhəli şeylərdən çəkinməkdə. Qadın saçı, başı, qolları, ayaqları açıq olaraq yad kişilərə görünməməlidir.
Gənc qızları yaşlı adama ərə vermək fəsada səbəb olur.
Nikaha girməzdən əvvəl qohum olacaq ailələr haqqında və evlənəcək gənclər haqqında yaxşı araşdırma aparılması həm sünnətdir, həm də aralarındakı münasibətin davamlı olmasına səbəb olar. Bunda üç fayda olduğu bəyan edilmişdir: iki gəncin arasında ölənə qədər məhəbbət kəsilməz, ruzilərində bərəkət olar, sünnət ilə əməl etmiş olarlar.