Untitled Document

İFTİTAH TƏKBİRİNİN FƏZİLƏTLƏRİ

Bir şəxs iftitah təkbirini imam ilə bərabər alsa, payız günlərində ağacların yarpaqları külək əsdikcə necə tökülürsə, o insanın günahları da elə tökülər.

Bir gün, Rəsulullah (sallallahü aleyhi və səlləm) namaz qılarkən, bir nəfər sübh namazında iftitah təkbirinə çata bilmir. Bir qul azad edir. Bundan sonra gəlib Rəsulullaha (sallallahü aleyhi və səlləm) dedi: “Ya Rəsulullah! Mən bu gün iftitah təkbirinə çata bilmədim. Bir qul azad etdim. Bununla mən, iftitah təkbirinin savabına nail ola bildim?”. Rəsulullah (sallallahü aleyhi və səlləm) Həzrəti Əbu Bəkirdən (radıyallahü təala anh) soruşdu: “Sən nə deyə bilərsən bu iftitah təkbiri haqqında?”. Əbu Bəkir Sıddıq (radıyallahü anh) buyurdu: “Ya Rəsulallah (sallallahü təala aleyhi və səlləm)! Qırx dəvəyə malik olsam, qırxının da yükü cavahir olsa, hamısını kasıblara sədəqə versəm, yenə imamla birgə alınan iftitah təkbirinin savabına nail ola bilmərəm.” Ondan sonra, “Ya Ömər! Sən nə deyə bilərsən bu iftitah təkbiri haqqında?”, dedikdə, Həzrəti Ömər (radıyallahü anh): “Ya Rəsulallah (sallallahü təala aleyhi və səlləm)! Məkkə və Mədinə arası dolu dəvəm olsa, bunların yükləri cavahir olsa, cümləsini kasıblara sədəqə versəm, yenə imam ilə bərabər alınmış iftitah təkbirinin savabına nail ola bilmərəm.”, dedi. Ondan sonra, “Ya Osman! Sən nə deyə bilərsən bu iftitah təkbiri haqqında?”, dedikdə, həzrət-i Osman zin-nureyn (radıyallahü anh): “Ya Rəsulallah (sallallahü təala aleyhi və səlləm)! Gecə iki rükət namaz qılsam, hər birində Quranı azım-üş-şanı xətm etsəm, yenə imam ilə bərabər alınmış iftitah təkbirinin savabına nail ola bilmərəm”, dedi. Ondan sonra, “Ya Əli! Sən nə deyə bilərsən bu iftitah təkbiri haqqında?”, dedikdə, həzrət-i Əli (kərrəmallahü vəchəh) :”Ya Rəsulallah (sallallahü təala aleyhi və səlləm)! Məğrib ilə məşrik arasındakı kafirlərin hamısı, müsəlmanları yox etmək üçün hücum etsələr, Rəbbim mənə qüvvət versə, onlarla cihad edib hamısını qətl etsəm, yenə imam ilə alınan iftitah təkbirinin savabına nail ola bilmərəm”, dedi.
Sonra Rəsulullah (sallallahü təala aleyhi və səlləm) buyurdu: “Ey mənim ümmət və Əshabım! Yeddi qat yerlər və yeddi qat göylər kağız olsa, dəryalar mürəkkəb olsa, bütün ağaclar qələm olsa, bütün mələklər katib olsalar və qiyamətə qədər yazsalar, yenə də imam ilə bərabər alınan iftitah təkbirinin savabını yaza bilməzlər”.