Untitled Document

Allahü təala imana zamin deyil (2)

* Əsl comərd, verən deyil, verdiyinə sevinəndir.
* Allahü təala dünyada müsəlmanlara da, kafirlərə də ruzi verir, rahatlıq, dinclik verir. Kafirlə müsəlmanı dünyada ayırd etmir. Müsəlmanlar Allahü təalanın dostudur. Kafirlər düşmənidir. Dünyada dostla düşmən ayrılığı yox lakin axirət elə deyil. Axirətdə dostla düşmən ayrılacaq. Müsəlmanlara nemətlər, kafirlərə əzablar var.
* Əlhəmdülillah müsəlmanıq. Cənabı Haqqın böyük lütfkarlığına, böyük lütflərinə qovuşduq. Milyonlarla insanlara verilməyən böyük səadət verildi. O da Əlhəmdülillah ki, iman etdik. Bu imanın gözəlliyini, bu imanın lətafətini izah etmək məcburiyyətindəyik. Necə izah etməliyik. Əvvəla bu imanın təzahürü bizdə təşəkkül etməlidir. Yalan danışmamalıyıq. Oğurluq, hiylə etməməliyik. Verdiyimiz sözdə dayanmalıyıq. İslam əxlaqı ilə əxlaqlanmalıyıq. Qeybət dedi-qodu etməməliyik. İnsanların qəlblərini qırmamalıyıq. Gülər üzlü olmalıyıq. Ailələrimizi üzməməliyik. İnsanlar həsrətimizi çəkməlidir. Onsuz da müsəlman həsrəti çəkilən insan deməkdir. Hər kəs, ah bir görsək, bir dinləsək deməlilər.
*Belə olsaq izah etməyə lazım deyil. İnsanlar anlar. Hər kəs yaxşını pisi fərq edər. Və müsəlmanlığa rəğbət bəsləyər. Amma siz gözəl nümunə olmadan, allamei-dünya olsanız, fəzilətlər, ən gözəl kəlamlar, elmlər sizdə olsa halınız xarabdırsa, insanlara zərər verərsiniz. İslamiyyətə də zərər verərsiniz.
*Əvvəla iynəni özümüzə batıraq. Yaxşı bir müsəlman olmağa, müsəlmanları sevməyə və hətta sevilməyə çalışaq. Nəfsimizə çətin gələn şeylərə və ya nəfsimizə çətinlik verənlərə dua edək. Ürəyinin nurlanmasını istəyirsənsə, hirsləndiyin insanlara dua et.