Untitled Document

FACEBOOK-UN QİYMƏTİ AÇIQLANDI

"sharespost.com" səhmlərin ticarət portalının sahibi olan "SharesPost" şirkəti internetin ən iri sosial şəbəkəsi olan "Facebook" servisinin kapitallaşdırılması ilə bağlı araşdırma aparıb. "Facebook" 11,5 milyard dollar dəyərləndirilib. Bununla yanaşı, ötən ilin noyabr ayının sonunda servis 9,5 milyard dollar qiymətləndirilib. Üç aydan bir qədər çox müddətə "Facebook"un bu göstəricisi 21 faiz artıb. "SharesPost" qeyd edir ki, "Facebook"un qiymətli kağızları açıq bazarda təqdim olunsaydı, onların qiyməti bu gün üçün 442,4 milyon buraxılmış səhmin dəyəri nəzərə alınmaqla, bir ədədə görə 26 dollar təşkil edəcəkdi.    Ekspertlər hesab edir ki, bu qiymət Rusiyanın "Digital Sky Technologies" (DST) İnfestisiya Fondu tərəfindən "Facebook"un beş faizlik paketi üçün ödənilmiş məbləğdən düz 76 faiz yüksəkdir. Bu gün sosial şəbəkənin səhmləri açıq satışa çıxarılmadığından şirkətin dəqiq bazar qiymətini dəyərləndirmək çətindir. Bununla yanaşı informasiya agentliklərinin yazdığına görə Facebook-un qapalı bazarda qiymətli kağızları daha baha satılır. Alıcılar servisin bir səhminə görə 41 dollar belə ödəməyə hazırdır. Hazırda Facebook sosial şəbəkəsi 400 milyon istifadəçini əhatə edir.