Untitled Document

TORPAQ KİMİ OLMAQ

Qonşu haqqı əhəmiyyətlidir. Hədisi-şəriflərdə buyurulur ki:

(Allaha və qiyamətə inanan, qonşusuna yaxşılıq etsin!) [Buxari]

(Evinizdə bişən yeməkdən, qonşunuzun haqqını verin.) [Şirə]

(Qonşusu aç ikən tox yatan, [gerçək] mömin deyil.) [Buxari]

(Qonşuya da, ana-ataya hörmət edər kimi hörmət etmək lazımdır.) [Şirə]

(Qonşunun miras haqqı kimi haqqı vardır, o da qonşuluq haqqıdır. Əgər müsəlman isə səndə iki haqqı vardır: Biri qonşuluq haqqı, biri də Müsəlmanlıq haqqı.) [İslam Əxlaqı]

(Qonşu üç qisimdir: Bir haqqı olan, iki haqqı olan üç haqqı olan qonşu. Bir haqqı olan, qohum olmayan qeyri müsəlman qonşudur. İki haqqı olan qonşu, Müsəlman olan qonşudur ki, onun həm Müsəlmanlıq, həm də qonşuluq haqqı vardır. Üçüncü haqqı olan qonşu isə, qohum olan Müsəlman qonşudur. Bunun həm Müsəlmanlıq, həm qohumluq, həm də qonşuluq haqqı vardır.) [Əbu Nuaym]

(Qonşusunu üzən, məni üzmüş olar. Mənə əziyyət edən Allaha əziyyət etmiş olar. Qonşusu ilə döyüşən, mənimlə döyüşmüş olar. Mənimlə döyüşən Allah ilə döyüşmüş olar.) [Əbu Nuaym]

Qonşuya əmri-maruf (dinin əmrlərini bildirmək) etməmək əhəmiyyətli bir qul haqqıdır. Məsələn, spirtli içkilərin, açıq gəzməyin haram olduğunu, gülər üz və şirin dil ilə qonşularına izah etməlidir. Qonşularının günah işlədiklərini görüb, “mənə nə” deyərək evinə çəkilən, uyğun bir şəkildə onlara nəsihət verməyən və özləri ilə görüşməyən, onların Cəhənnəmdən xilas olması üçün kömək etməyən məsul olacaq. Qonşuları belə bir kimsəni, qiyamətdə Allahü təalaya şikayət edəcəklər.

Hədisi şəriflərdə buyuruldu ki:

(Nə qədər insan, qiyamətdə qonşusunun yaxasına yapışıb "Ya Rəbbi, buna, nə üçün qapısını mənə bağladığını soruş. Nə üçün əlindəki nemətlərdən mənə də vermədi" deyəcək.) [İsfehani]