Untitled Document

ŞƏRAB İÇMƏK OLMAZ

 Hədisi-şərifdə “Bir qurtum şərab içənə Allahü təala üç gün qəzəb edər” buyuruldu. Yəni buna tövbə etmədikcə üç gün içindəki yaxşılıqlarına savab verilməz və günahları bağışlanmaz. Üç gün içində ölərsə imansız getməsindən ehtiyat edilir. Bir badə içənə Allahü təala qırx gün qəzəb edər.

Fiqh kitablarında, məsələn “Hidayə”də deyilir ki: Üzüb şərabı söz birliyi ilə haramdır. Halal deyən kafir olar. Bir damcı içənə had cəzası vurmaq vacib olar. Said bin Müseyyib deyir ki, “Keçmiş ümmətlərin xəyanət etmələrinə, kafir olmalarına səbəb şərab içmək idi”. Əmir-əl-möminin osman “radıyallahü anh” Rəsulullahın “sallallahü aleyhi və səlləm” minbərində xütbə oxuyarkən “Ey insanlar! Şərab içməkdən çəkinin. Bilin ki, şərab içmək bütün pisliklərin anasıdır” buyurdu. Bir hədisi-şərifdə “Şərabda dərman, əlac təsiri yoxdur. Xəstəlik törədər” buyuruldu.

“Ərbain”də deyir ki: Abdullah bin Məsud buyurdu ki: “Şərab içən kimsə tövbəsiz ölərsə məzarını açın. Üzünü qibləyə qarşı görsəniz məni öldürün.”

Şərab içənlər 5 faydasının olduğunu deyirlər: 1. Qan düzəldər. Üzü qızardır. 2. Qüvvət verir. 3. Həzmi asanlaşdırır. 4. Ehtirası artırır. 5. Səhhəti qoruyur. Təcrübələr tərsini göstərir. Hədisi-şərifdə “Gecə namaz qılanların üzü gözəl olar” buyuruldu. Şərab içməklə, günah işləməklə üz gözəl olmaz. İbadət, təat etməklə gözəl olar. Şərab içənlərin, fasiqlərin üzləri çirkin, iyrənc olur. Allahü təala Ənfal surəsi 60-cı ayətində məalən “Yüz mömin iki yüz kafirə qalib gələr” buyurdu. Yəni bir zəif mömin bir qüvvətli kafirə qalib gələr. Şərab həzmi asanlaşdırır. Bəli elədir. Lakin həzmi asanlaşdıran və faydalı olan başqa halal şeylər də var. Şərab içmək müxtəlif xəstəliklərə yol açar. Ağlı azaldır. Qaraciyəri xarab edir. Beyni və sinirləri də xarab edir. Ehtirasın artırılması da bir neçə ilə məxsus olub, az zaman sonra azaldığı üçün ailə səadəti yıxılır.