SÖHBƏT - NƏSİHƏT
Şahı Nakşibənd Bəhaəddini Buxari (rahmətullahi əleyh) həzrətləri buyurdu ki;
Nəfsinizi daim töhmət altında saxlayın və ona tabe olmayın. Hər kim bunda müvəffəq olsa, Allahu təala ona bu işinin mükafatını, qarşılığını verər. Saleh əməl işləməyə müvəffəq olar. Buna dözüm və güc tapar. Etdiyi hər işi Allahu təalanın razılığı üçün etməyə başlayar. Bütün işlərdə niyyəti düzəltmək çox mühümdür.
“Namaz möminin meracıdır” buyurulan hədisi şərifdə, həqiqi namazın dərəcələrinə işarə vardır. Namaza duran kimsənin, iftitah təkbirini söyləyərkən, Allahu təalanın əzəmətini, böyüklüyünü düşünərək, hudu və huşu halında olması lazımdır. Belə ki, bu halını istiğrak, (özündən keçmə) halına çatdırmalıdır. Bu xüsusiyyətin kamal dərəcəsi, Rəsulullahda (sallallahu əleyhi və səlləm) vardı. Rəvayət edilmişdir ki, Rəsulullah əfəndimiz namazda ikən, mübarək sinəsindən elə bir səs gəlir idi ki, bu səs, Mədinəi-münəvvərənin xaricindən eşidilərdi.
Namazda qəlb dincliyi necə əldə edilər, deyə soruşanda, buyurdu ki: Halal loxma yemək və yeyərkən qəflət içində olmamaq, dəstəmaz alarkən, iftitah təkbirini söyləyərkən, tam bir agahlıq, qəflətdən uzaq olma, oyanıqlıq içində olmaqla əldə edilər.