COĞRAFİYA - ANHEL ŞƏLALƏSİ (1)
Yerli əhalinin Kerepakupai meru və ya Churun meru adlandırdığı Anxel şəlaləsi Venesuelanın cənubundakı Bolivar ştatında yerləşir. Dünyanın ən hündür şəlaləsi sayılır.
Anhel dünyada ən hündür şəlalədir, ümumi yüksəkliyi 979 metr hesablanmışdır. Digər bir çox sənədlərə əsasən isə 1059 metr sayılır. Suyun aşağı tökülməsi hündürlüyü, yəni hündürlükdən axım zamanı su arası kəsilmədən 807 metrlik yeri əhatə edir. Şəlalənin adı isə pilot Ceyms Anhelin şərəfinə qoyulmuşdur, 1935 – ci ildə şəlalənin üzərindən uçuş zamanı buranı kəşf etmişdir.
Şəlalə Venesuelanın tropik meşələrində yerləşir və həmin ərazinin milli parkı sayılan “Canaima” nın səlahiyyətindədir. Şəlalənin coğrafi koordinatı - 5°58′03″ şimal, 62°32′08″ qərb hissə.
Şəlalə Çurun çayının Karao qolunun üzərində yerləşir. “Çurun” yerli insanların dilində Pemón adlanır və mənası “gurultu” kimi tərcümə edilir. Şəlalə həmçinin “Kerepakupai-merú” adlanır, bu adın mənası isə “ən dərin yerdə şəlalə” kimi dilimizə tərcümə edilir.
Şəlalə XX əsrin əvvəllərində tədqiqatçı Ernesto Sançes La Krus tərəfindən tapılmışdır. Lakin buranın adı Ceyms Anheldən əvvəl belə çox tanınmır və hallanmırdı. 1935 – ci ildə amerikan pilot Ceyms Anhel filiz axtarışına görə uçuş edir. 1936 – cı ildə o, geri qayıdır və şəlalənin yuxarı hissəsində dayanır.
(davamı sabah)