COĞRAFİYA - ANHEL ŞƏLALƏSİ (2)
1949 – cu ildə dünyanın ən hündür şəlaləsinə Milli coğrafi təbəqənin nümayəndələri tərəfindən ekspedisiya tərtib edildi. Bu səfər nəticəsində şəlalənin yüksəkliyi tam bəlli oldu və bura kitaba daxil edildi. Şəlalənin ümumi su həcminin miqdarı isə 300 kub metr hesablanmışdır. Anhel qızıl axtarışını davam etdirmədi, çünki onun təyyarəsi qəzaya uğradı və möcüzə nəticəsində canını qurtarmağı bacardı. Hətta bu şəlalə haqqında Konan Doyl da öz möhtəşəm romanı olan “İtirilmiş dünya” adlı əsərində bu haqda yazmışdır. Anhel canını qurtardıqdan sonra ilk poçt müəssisəsinə özünü çatdıraraq Birləşmiş Ştatlara dünya coğrafiyasına verdiyi töhfə haqqında ilkin məlumat verdi və bütün dünya xəritələrində hazırda onun adı həkk olunmuşdur. Latın Amerika ölkələrinin xəritələrində bu şəlalənin adı çox vaxt Salto – Anhel kimi adlanır. Bəzilər isə buranı “mələyin tullanması” kimi də mənalandırmağı sevir. Anhel öz həyatının son illərini Venesuelada keçirdi və Syudad – Bolivar ştatında 1956–cı ildə vəfat etdi. Anhelin öz vəsiyyətinə əsasən onun cəsədinin külləri şəlalədə dağıdıldı.
1949–cu ildə bura gedən amerikan və venesuelalı coğrafiyaçılar beş nəfərdən ibarət idi, onlar şəlaləyə çatmaq üçün çox böyük çətinliklər çəkdilər. Çünki şəlalənin yerləşdiyi selva meşə massivi liana və azğın bitkilərlə dolu idi. Yolun açılması üçün balta və müxtəlif ləvazimatlardan istifadə edildi. Son 36 km ərazini keçmək üçün isə ekspedisiya nümayəndələri 19 gün sərf etməli oldular. Lakin onların bu əziyyətləri yerdə qalmadı, çünki bütün dünya həmişə onları yada salacaq və unutmayacaqdır.