Untitled Document

RƏVAYƏT - XATƏM TAİDƏN DAHA COMƏRD KASIB

Comərdliyi dillərə dastan olan Xatəm Taiyə deyərlər ki:

- Özündən daha comərd birini gördünmü?
- Bəli gördüm.
- Kim imiş o?
- Yetim bir gəncə qonaq olmuşdum. Mənə bir qoyun kəsib ikram etdi. Qoyunun bir yeri çox xoşuma gəldi. And içərək “burası çox ləzzətliymiş” dedim. Gənc, çölə çıxdı. On qoyunu varmış. Birini daha əvvəl kəsmişdi. Doqquzunu da sonra kəsdi. Mənim sevdiyim qisimləri bişirib önümə gətirdi. Mən olanların fərqində deyildim. Gedərkən qapının önündəki qanları görüncə ondan soruşdum:

- On qoyunun onu da kəsilərmi?
- Sübhanallah, bunda təəccüblü nə var? Bir şey sizin xoşunuza gəlib, bunu etmək də mənim gücüm daxilindədir. Bunu sizdən əsirgəməyim heç uyğun olarmı?

Bunu dinləyən yoldaşları təkrar soruşurlar:

- Yetim gəncin ikramına qarşılıq siz də ona bir şey verdinizmi?
Xatəm Tai deyər ki:

- Verdim amma çox mühüm sayılmaz.
- Nə verdiniz?
- Üç yüz dəvə ilə beş yüz qoyun.
- O halda sən ondan daha comərdsən.
- Xeyr o gənc məndən daha comərddir. Çünki o malının hamısını verdi. Mən isə malımın çox azını verdim. Bir kasıbın, yarım çörəyinin hamısını qonağa verməsimi mühümdür, yoxsa bir zənginin sürüsündən bir dəvəni qonağına ikram etməsimi?