Untitled Document

YEMƏK - YAZ GÜNÜ

Ərzaq:

300 qr toyuq flesi, 3 yumurta, 3 kartof, 1-2 kök, 200 qr göbələk, 100 qr qoz, soğan, duz, istiot, mayonez, (zövqə görə) göyərti.
Hazırlanması:

Kartofu, yumurtanı, kökü bişirib soyutduqdan sonra sürtgəcdən çəkirik. Göbələk də balaca doğranır. Toyuqla soğan bir yerdə qızardılır (xırda halda). Qat-qat düzməyə başlayırıq. 1-kartof 2-göbələk 3-kök 4-toyuq soğanla birlikdə 5-yumurta (iki aradan bir göyərti vurmağı unutmayın). Sonda üstünə qoz əlavə olunur.

Qeyd: Çalışın salatın hər yerinə mayonez vurmayın.....ancaq qat hissələrinə....özünüz salatın rəngli alınacağını görəcəksiniz. Çalışın tort halında yox, təpəcik formasında olsun.

LƏTİFƏ - TƏYYARƏDƏ

Bir dəfə Bakıdan Naxçıvana ucan təyyarədə qız pilota yaxınlaşıb deyir ki, bir yaşlı kişi özünü atmaq istəyir. Nə qədər eləyirik elə deyir ki, mən düşürəm, vəssalam.

-Pilot deyir: “Necə adamdır?”
-Qız deyir: “Əli, qolu sınıq başı sarıqlı bir kişidir.”
-Pilot deyir: “Dəymiyin, qoy düşsün, o həmişə burda düşür”.