Untitled Document

İSLAM ALİMİ - İMAMI AZAM ƏBU HANİFƏ

Əhli-sünnətin əməldə 4 haqq məzhəbindən biri olan Hənəfi məzhəbinin qurucusudur. Mütləq müctəhiddir. Adı Numandır. Atasının adı Sabit, Həzrəti Əli ilə görüşmüş, zürriyyəti üçün dua almışdır. Əbu Hanifə həqiqi müsəlmanların atası deməkdir. Yoxsa Hanifə adlı bir qızı yox idi. Hicri 80-150, miladi 699-767 illərdə Kufə və Bağdadda yaşamışdır. Bağdadda şəhid edildi.

Hanəfi məzhəbi Osmanlı Dövləti zamanında hər yerə yayıldı. Bu gün müsəlmanların yarısından çoxu Hanəfi məzhəbinə görə ibadət edir. İmamı-Azama bir məsələ barəsində sual soruşanda çıxardığı hökmü ustadlarına soruşardı. Hamısı təqdis etmədikcə cavabını bildirməzdi. Kufə Məscidində dərs verərkən min tələbəsi hər dərsində olurdu. Bir məsələyə cavab tapınca tələbələrinə deyərdi. Hamısı uyğun görərsə “Əlhəmdulillah” deyərək tələbələrinə “bunu yazın” buyururdu.

RƏVAYƏT - SARAYA TİKİLƏN MƏSCİD

İmamı azam Əbu Hənifənin tələbəsi İmamı Əbu Yusüf (rahmətullahi aləyh) Harun Rəşid zamanında qazı idi. Bir gün Harun Rəşidin yanında ikən, birindən şikayətçi olan birisi gəldi. Harun Rəşidin vəziri də mən şahidəm, dedi. İmamı Əbu Yusüf vəzirin şahidliyini qəbul etmədi. Xəlifə, nə üçün vəzirin şahidliyini qəbul etmirsən, soruşdu. İmam, bir gün ona iş buyurmuşdunuz. O da sizə, mən sizin qulunuz, kölənizəm demişdi. Əgər doğru söyləmişdisə, kölənin şahidliyi məqbul deyildir. Yalan söyləmişdisə, yalançının şahidliyi də eşidilməz, buyurdu. Xəlifə, mən şahidlik edərsəm, qəbul edərsənmi? dedi. Xeyir, etmərəm buyurdu. Nə üçün? dedi. Sən namazı camaat ilə qılmırsan, buyurdu. Mən müsəlmanların işləri ilə məşğulam dedi. İmam, Xaliqə ibadətin olduğu yerdə, məxluqa itaət edilməz buyurdu. Xəlifə, doğru söyləyirsən dedi və sarayında məscid tikilməsini əmr etdi. Müəzzin və imam təyin edildi və ondan sonra namazı həmişə camaat ilə qıldı.