SÖHBƏT - EŞQ VƏ NAMUS
Sevgi insanın əlində olmayan bir duyğudur. İffəti, yəni namusu qorumaq şərti ilə birisinə qarşı sevgi hiss etməkdə bir qüsur yoxdur. Hətta iffətini qoruyaraq sevgisini gizlətmək çox savabdır. İffətli birisi, həya sahibidir, yəni günah işləməyə utanar.
Hədisi-şəriflərdə buyuruldu ki:
“Kim aşiq olub eşqini gizlətsə, iffətini qoruyub səbr edərsə, Allahu təala onun günahlarını bağışlayaraq Cənnətinə qoyar.”
“Aşiq olub, iffətini qoruyaraq ölən şəhiddir.”
“Həya imandandır.”
“Həyası olmayanın imanı da olmaz. İmansız da Cənnətə girə bilməz.”
“Həya ilə iman bərabər olur. Biri gedərsə, o birisi də gedər.”
“Hər kəsin yanında Allahdan utanmayan, gizlində də utanmaz.”
“İffətli olmaq istəyəni, Allahu təala iffətli edər.”
Demək ki, dinimizdə iffəti qorumaq və sevgisi səbəbi ilə günah işləməməyə səbr etmək çox savabdır. Çünki, ümumi olaraq birisinə sevgi hiss edən özünü günah işləməkdən çəkindirməsi çətindir. Çətin olan işləri bacarmağın savabı da böyük olar.
LƏTİFƏ - TƏNBƏL
-Ərim elə tənbəldi ki, zibil vedrəsini belə aparıb zibilliyə boşaltmır.
-Sən Allahına şükür elə. Mənimki heç 'Windows'un zibilqabını belə boşaltmır.