NƏ ÜÇÜN ŞƏKİL ÇƏKDİRƏN ZAMAN BƏZƏN GÖZLƏRİMİZ QIRMIZI DÜŞÜR?
Gecələr fləşlə çəkilən fotoşəkillərdə ümumiyyətlə gözlər qırmızı düşür. Bəs fotoşəkildəki gözəlliyi pozan bu hadisə necə baş verir? Nə üçün həmişə olmur? Nə üçün gündüzlər fləşlə çəkilən fotoşəkillərdə bu baş vermir?
Gözümüz iç-içə keçmiş üç təbəqədən meydana gəlir. Çöldəki gözümüzü qoruyan və göz ağı da deyilən sərt təbəqədir. İkincisi qan damarlarından meydana gəlmiş və ortasında göz bəbəyinin olduğu damar təbəqədir. Bu damarlar sayəsində çox işıqda göz bəbəyimiz kiçilir, qaranlıqda isə daha çox işıq ala bilmək üçün böyüyür amma bu hərəkəti olduqca yavaş olur. Üçüncü təbəqə də “retina” adı verilən, işığa həssas damar şəbəkələrindən ibarət olan retinasıdır.
İt, pişik, maral, cüyür kimi heyvanların gözlərinin arxasında, yəni retinalarında ayna kimi, əks etdirici xüsusi bir təbəqə vardır. Əgər qaranlıqda gözlərinə əl lampası və ya avtomobil farası kimi bir işıq yönələrsə, bu işıq gözlərinin içindən əks olunar və gözləri qaranlıqda parlayar. İnsanların gözlərinin retinasında isə belə bir əks etdirici təbəqə yoxdur. .
Fotoaparatın fləşi çox qısa bir zamanda çox qüvvətli bir işıq verir. Göz bəbəyimiz isə bu qədər qısa zamanda kiçilməyə fürsət tapa bilmir. İşıq birbaşa retinaya çatır və oradan da birbaşa damarların görünüşü əks olunur. Bax fləşlə çəkilən fotoşəkillərdə görülən bu qırmızılıq retina təbəqəsindəki damarların görünüşüdür. .
İndi çox fotoaparatda gözün bu qırmızı görünüşünü azaldacaq tədbirlər görülmüşdür. Bu maşınlarda fləş iki dəfə yanır . Birinci fləş yanarkən şəkil çəkmir və göz bəbəyinin yığılmasına fürsət verir. İkincisi də fotoşəkil çəkilərkən olur ki, bu zaman göz bəbəyi lazım olacaq yerdə olur.