SÖHBƏT - ŞABAN AYI BAŞLADI
Dinimizin qiymət verdiyi mübarək üç aylardan ikincisi olan Şaban ayı başladı. Allahu təala Şaban ayını Peyğəmbərimizə (sallallahu aleyhi və səlləm) məxsus qılmışdır. Hədisi-şərifdə buyuruldu ki:
“Şabanı-şərif mənim özümə məxsus bir aydır. Haqq təala həzrətləri Ərşi-alanın mələklərinə əzəməti-şanı ilə buyurur ki: “Ey mənim mələklərim, gördünüzmü? Mənim qullarım sevgilimin ayına təzim və hörmət edirlər. İzzətim, cəlalım haqqı üçün mən də qullarımı əfv və məğfirətimə nail etdim”
Şaban ayında oruc tutmaqla əlaqədar hədisi-şərifdə buyuruldu ki:
“Hər kim Şabanı-şərifdə üç gün oruc tutarsa, Haqq təala Cənnəti-alada ona bir yer hazırlayar”
Şaban ayının son günləri göydə hilalı axtarmaq da ibadətdir. Çünki oruca Ramazan hilalını görməklə başlanılır. Şabanı-şərif xeyirlərin çoxaldığı, bərəkətlərin endiyi, xətaların tərk edildiyi, günahların örtüldüyü bir aydır. Bu ayda Peyğəmbərimiz əfəndimizə çox salavatı-şərifə oxumalıyıq.
LƏTİFƏ - PSİXOLOQ
-Həkim, mənim arvadım dəli olub.
-Hardan bilirsiz?
-Evdə qanadlı ağ atlar uçur, amma, arvadım onları görmür.