Untitled Document

MÜTƏXƏSSİSİN GÖRÜŞLƏRİNƏ GÖRƏ 10 QIZIL NƏSİHƏT

• Uşaqlarınızın TV-yə tamaşa etmə vaxtları ilə əlaqədar olaraq qəti qaydalar qoyun! Məktəbə getməzdən qabaq, yemək vaxtı və ev tapşırıqları bitmədən TV, video tamaşa etmələrini qadağan edin!
• TV, video, komputer oyunları və internetə ayrılan vaxtı 1-2 saat civarında təyin edin!
• TV-ləri uşaqlarınızı əyləndirəcək bir baxıcı kimi istifadə etməyin!
• TV-ni otağınızın baş küncünə qoyub evin ən əhəmiyyətli vasitəsinə çevirməyin!
• Uşaq otağına əsla TV və komputer qoymayın!
• Uşaqlarınızın hansı proqramlara tamaşa edəcəyini siz təsbit edin! O programdan sonra TV-ni söndürün və proqramı uşaqlarınızla müzakirə edin!

SAĞLAMLIQ - KEÇİ ƏTİNİN FAYDALARI

Soyuqluq verir. Keçi əti ilə təzə meyvələr, turşulu və s. yemək məsləhət görülmür. Altı aylıq çəpiş əti bədənə rütubət verir, lətifdir və qan təzyiqini yatırır. Keçi piyi sürtmək ağrıları sakitləşdirir, soyuqdəymə hallarında çox təsirlidir. Onun böyrəyini ortadan bölüb içinə kükürd tozu səpir, sonra yenə qatlayıb kabab bişirir və suyunu dəridəki çilləri təmizləmək üçün istifadə edirlər. Dörd illik təkəni üzüm yetişən zaman kəsir, ilk və sonuncu qanını axıdır, orta qanını daşdan hazırlanmış qaba tökürlər. Laxtalanıb bərkidikdən sonra onu xırda-xırda doğrayıb xəlbir və ya saman üzərində kölgə yerdə qurudurlar. Buna “yətulla” deyirlər. Bu vasitə böyrək və sidik kisəsi daşının tökülməsində çox təsirlidir. Çəpiş kəlləsinin dərisini soyan kimi isti-isti başa bələmək əsəb pozğunluğu və zehni qarışıqlıq hallarında çox faydalı hesab olunur.