Untitled Document

ƏXLAQ - ŞƏMATƏT

Şəmatət, başqasına gələn bəlaya, zərərə sevinməkdir. Hədisi-şərifdə, “Din qardaşınıza şəmatət etməyin! Şəmatət etsəniz, Allahü təala bəlanı ondan alıb sizə verər” buyuruldu. Zalımın zülmündən, şərindən qurtulmaq üçün onun ölümünə sevinmək şəmatət olmaz. Düşmənin başına gələn ölümdən başqa bəlalara sevinmək, şəmatət olar. Hələ bəlaların gəlməsinə özünün səbəb olduğunu düşünərək sevinmək, məsələn duasının qəbul olmasına sevinmək daha pisdir. Ucb (özünü bəyənmək) pis əxlaqına yaxalanmasına səbəb olar. Ona gələn bəlanın özü üçün məkr və istidrac ola biləcəyini düşünməlidir. Ondan bəlanın getməsi üçün dua etməlidir. Hədisi-şəriflərdə „Möminin din qardaşı üçün arxasından etdiyi xeyir-dua qəbul olur. Bir mələk Allah bu yaxşılığı sənə də versin. Amin, deyər. Mələyin duası rədd edilməz“ buyuruldu. Düşmən zalım olsa, ona gələn bəla başqalarına zülüm etməsinə mane olarsa bəlanın gəlməsinə sevinmək şəmatət olmaz, günah olmaz. Dini üçün səy göstərməsi olar. Din üçün səy göstərməsi imanın qüvvətli olmasını göstərir. Allah üçün səy göstərmək yaxşıdır. Heyvani arzular üçün səy göstərmək yaxşı deyil. Zalıma da bəla gəlməsinə sevinmək yenə də yaxşı deyil. Lakin başqalarına zülm etməsinə mane olduğu üçün və digər zalımların da ibrət alması üçün sevinmək caizdir.