YEMƏK - DONDURMA
Ərzaq:
2 stəkan süd,1 çay qaşığı vanel, 4 yumurtanın sarısı, 1 stəkan şəkər tozu, 200 gr. süd kremi (marketden almaq olar,hazır satirlar)
Hazırlanması:
Əvvəlcə südü dəmir bir qaba tökürük, vaneli əlavə edib orta dərəcəli odda qarışdırırıq. Elə ki, gördünüz qaynamağa başlayır götürün odun üstündən, qoyun qiraqda soyusun. 4 yumurta sarısı və toz şəkəri başqa bir qabda mikserlə yaxşı -yaxşı çırpın. İliq südü bu qarışıma yavaş-yavaş töküb qarışdırırıq. İndi bu qabı içi su dolu başqa bir qabın üstünə qoyub (benmari üsulu) odda qarışdırırıq. Burda səhvən suyun içinə salmayın haa, suyun buxarı qarışığı qızdırmalıdır. Ancaq fikir verin qaynamasın. Krem tamına gəlincə 10-15 dəqiqədə bişirin. Bir az hövsələli olsanız axırda ləzzətli dondurmanın dadına baxacaqsınız. Onda davam ;) Əgər hazırladığımız krem qaşığa yapışırsa deməli nə isə alındı. İndi kənara qoyun ki, soyusun. Arada qarışdırın ki, üstü qabıq bağlamasın. Ancaq soyumalıdır. 200 gr. süd kremini ayrı bir kasa qabda çırpın bir az. Bunu hazırladığımız qarışıma yavaş-yavaş töküb qarışdırırıq. Artıq burnumuza gözəl iylər gəlir elə deyilmi? İndi bunu soyuducuya qoymaq vaxtı gəlib. Artıq hazırdır dondurmamız. Demək olar ki.. Arada soyuducudan çıxarın təkrar qarışdırın təkrar üstün örtün folqa ilə soyuducuya qoyun dondurma tamında oluncaya qədər bunu edin. Darıxmayın nəticədə ləzzətli, ən əsası öz düzəltdiynizi dondurmanı yeyəcəksiniz. Artıq hazırdır, servis edin üzərinə meyvə şirəsi və ya çərəz, rəndələnmiş şokolad töküb nuşi canla yeyə bilərsiniz. Nuş olsun!