SAĞLAMLIQ - SİQARET ÇƏKMƏK
Siqaret çəkmək insan sağlamlığına ziyandır-bu sözü hər gün eşidirik lakin siqaretin tərkibində hansı zəhərli maddələrin olduğunu bilmirik. Məlumat üçün qeyd etmək lazımdır ki, siqaretin tərkibi uzun müddət istehsalçılar tərəfindən gizli saxlanılmış lakin 1998-ci ildə onlar bunu açıqlamağa məcbur edilmişlər və məlum olmuşdur ki, siqaretin tərkibində 4 mindən artıq kimyəvi maddə mövcuddur lakin onlardan onu ən zərərli və təhlükəli maddələrdir. Onlar aşağıdakılardır:
1. Amonyak - Bu maddə nikotinin orqanizmdə yaxşı sorulmasını təmin edir. Amonyakın gübrənin əsasını təşkil edən bir maddə olduğunu qeyd etməklə onun nə dərəcədə təhlükəli maddə olduğunu anlamaq mümkündür.
2. Arsenik - bu maddə eyni zamanda tarlalarda siçanları öldürmək üçün istifadə olunur.
3. Kadmium - siqaretin filtirində olan kadmium həmçinin mobil telefonların batareyasında istifadə olunur.
4. Formaldehid - siqaretin tüstüsünü təşkil edən bu maddədən eyni zamanda meyitləri mumiyalayarkən istifadə olunur.
5. Aseton - daha çox qadınlar dırnaqlarına çəkdikləri boyanı təmizləmək üçün istifadə edirlər.
6. Proplen qlikol - nikotinin beyinə daha tez çatmasına zəmin verir. Siqaretə alışqanlıq hissi əməl gətirir.
7. Terebantin- daha çox nanəli siqaretlərin tərkibinə vurulan bu maddə boyaların təmizlənməsində istifadə edilir.
8. Butan - siqaretin asan yanmasına kömək edir.
9. Benzen - zərərvericilərə qarşı hazırlanan preparatlarda və benzin yanacağında istifadə edilir.
10. Qurğuşun və nikel.
P.S: Hazırda dünyada 1.5 milyard siqaret istifadəçisi var. Sağlamlığın ən böyük düşmənlərindən olan siqaret insanları narkotikə yönləndirir. Ürək-damar xəstəlikləri və xərçəng olub 55 yaşından qabaq ölənlərin 85 faizinin ölüm səbəbi siqaretdir. Həyatında 3 dəfə siqaret çəkən bir insan belə mexaniki olaraq xərçəng xəstəliyinə tutula bilər. Siqaretin tərkibində 6 min zəhərli maddə var. Tədqiqatçılar belə bir qənaətə gəliblər ki, siqaretin tüstüsü ağ ciyərlərə və ürəyə ziyan vura bilər. Arteriyanı daraltmağa və qan təzyiqini yüksəltməyə bir ədəd siqaret kifayətdir. Norveçdə aparılan tədqiqatlar göstərib ki, gündə dörd ədəd siqaret çəkməklə asanlıqla ürək və ağciyər xəstəliklərinə tutulmaq olar.