Untitled Document

RƏVAYƏT - NAMAZA GƏLƏNİN FƏRQİ

Harun Rəşid, bir Ramazan günü Bəhlula, axşam namazında məscidə getməsini və namaza gələn hər kəsi iftara dəvət etməsini söylədi.

Axşam oldu, namaz qılındı, namazdan sonra Bəhlul 5-10 nəfər bir qrupla gəldi. Harun Rəşid çaşdı:
- Axşam məscidə bu qədər insanmı gəldi?

Bəhlul cavab verdi:
- Siz mənə məscidə gələnləri deyil, namaza gələnləri iftara çağır dediniz. Namazdan sonra məscid qapısında dayandım, çıxan hər kəsə imamın namaz qıldırarkən hansı surəni oxuduğunu və daha başqa şeylər soruşdum. Onları da tək bu gətirdiyim kəslər bildi. Məscidə gələn çox idi amma namaza gələn bu qədər imiş.

ƏYYUB SULTANIN VƏFATI

Əyyub Sultanın adı Xalid ibn Zeyddir. Əshabi-kiramın böyüklərindəndir. Rəsulullah Mədinəyə hicrət etdiyi zaman onun evində 7 ay qonaq olmuşdu. Bütün müharibələrdə iştirak etdi. Hicri 50-ci ildə Sultan ibn Avf əmrilə İstanbula gələn əsgərlər arasında 33 əshabə var idi. Bunlardan Həzrəti Xalid dizenteriyadan vəfat etdi. Fateh Sultan Məhmədin hocalarından olan Akşəmsəddin həzrətləri qəbrini kəşf etdi. Üzərinə gözəl türbə ilə yanaşı bir məscid inşa etdirdi. Qəbrinin üzərindəki yazılar 2-ci Mahmuda aiddir. Türbədə asma lövhədəki 2 beyti Sultan 3-cü Səlim söyləmişdir. Osmanlı hökmdarları taxta çıxan zaman bu türbə önündə Cümə günü qılınc taxardılar. Bu mərasimə “Qılınc Alayı” deyilirdi.