SAĞLAMLIQ - ORUC VƏ SAĞLAMLIQ
Bəzi insanlar orucun sağlamlığa zərərli olduğunu söyləyir. Halbuki Allahu təala insanlara zərərli olan şeyi əmr etməz. Az yemək və oruc tutmaq vücudun səhhəti üçün çox önəmlidir. Zəkat verən malını kirdən qoruduğu kimi oruc tutan da vücudun zəkatını ödəmiş olur.
Oruc tutan vücud adətən baxışa girən bir maşın kimidir. Daxili orqanları bürüyən yağlar əriyər, vücudun gümrahlığı artar, dayanma gücü artar. Mədə, böyrək, ürək və qara ciyər xəstəliklərə qarşı müqavimət edər. Qara ciyər həzm ilə də vəzifəlidir. Oruclu ikən bir neçə saat istirahət edər, qida yığma işinə fasilə verər. Mədə də bir müddət dincəlir. Qan həcmi də azaldığı üçün təzyiq düşərək ürək rahatlayar. Damar sərtliyinə çox faydalıdır. Belə rahatsızlığı olanlar Ramazan ayından başqa aylarda da oruc tutmalıdır.
Çox yeyən çox yatar. Çox yatanın da vaxtı boşa gedər. Ayrıca sərt və qatı qəlbli olur. Hər zaman tox olan şəfqətsiz və mərhəmətsiz olur. Az yeyən səhhətli olur və məsrəfi də az olur. Orucun səbir, şükür, nəfs tərbiyəsi kimi digər ibadətlərlə də əlaqəsi vardır. Hədisi-şərifdə buyuruldu ki: “Oruc səbrin, səbir də imanın yarısıdır.”
SÖHBƏT - MÜSƏLMAN TƏMİZ OLMALIDIR
Müsəlmanlar məscidlərə, evlərə ayaqqabı ilə girməzlər. Yerə sərilən döşəmələr tozsuz, təmiz olur. Hər müsəlmanın evində hamam olur. Bədənləri, paltarları, camaşırları, yeməkləri həmişə təmiz olur. Təmiz olduğu üçün də mikrob və xəstəlik olmaz. Allahu təala Quranı-kərimin müxtəlif yerlərində “Təmiz olanlar sevirəm” buyurur.
Cümə namazı üçün qüsl almaq, gözəl ətir sürtmək, yəni yeni, təmiz geyinmək, saç, dırnaq kəsmək sünnətdir.
Hədisi-şəriflərdə buyuruldu ki:
“Müsəlmanlıq təmizlik dinidir. Təmiz olmağa çalışın. Cənnətə ancaq təmiz olanlar girər. Mömin pis olmaz. (Təmizlənəsi şeyləri) yaxşıca yuyun, təmizləyin! Çünki təmizlik imana, iman da sahibini Cənnətə götürər. Təmizlik imanın yarısıdır. Namazın açarı təmizlikdir. Din, təmizlik əsası üzərində inşa edilmişdir. Ağzınızı təmizləyin, çünki ağzınız Quran yoludur. Yeməkdən əvvəl və sonra əl yumaq, zənginliyə yol açar və kasıbçılığı aparar. Dırnaqlarınızı kəsib basdırın! Ağzınızdakı yemək qırıntılarını təmizləyin və misvaq istifadə edin! Yanıma dişləriniz sarı, ağzınız iylənmiş vəziyyətdə gəlməyin!”