Untitled Document

SÖHBƏT - QƏBR ZİYARƏTİ

Qəbir ziyarəti sünnətdir. Həftədə bir dəfə, heç olmasa bayramlarda ziyarət edilir. Cümə axşamı, Cümə və ya şənbə günü ziyarət daha savabdır. “Şirat-ül-islam” kitabında deyilir ki, Qəbir ziyarəti sünnətdir. Ziyarət edən, meyitin çürüdüyünü düşünərək ibrət alır. Osman (radıyallahü anh) qəbir yanından keçərkən çox ağlar, saqqallı islanardı. Meyit də edilən duadan faydalanar. Rəsulullah (sallallahü aleyhi və səlləm) əqrəbasının və Əsbabının (radıyallahü təala anhüm) qəbirlərini ziyarət edərdi. Salam və duadan sonra, arxası qibləyə çevrilib, üzü qəbirə oturulur. Qəbirə əl, üz sürtmək, torpağı öpmək xristianların adətidir. Hədisi-şərifdə, “Bir şəxs, tanıdığı birinin qəbrinə gedib salam verdikdə, onu tanıyar və salamına cavab verər”, buyuruldu. Ahməd ibni Hanbəl (rahimə-hullahü təala) deyir: “Qəbiristanlıqdan keçərkən, İxlas, iki Qul əuzüləri və Fatihə oxuyub, savabı meyitlərə hədiyyə edilməlidir. Savab onlara çatar.” Ənəs ibn Malikin (radıyallahü təala anh) bildirdiyi hədisi-şərifdə buyuruldu ki, “Ayət-əl-kürsi oxuyub, savabı meyitlərə göndərildikdə, Allahu təala onu bütün meyitlərə çatdırır.”

“Hazənət-ür-rivayət”də deyilir: “Diri ikən ziyarət edilən alimləri, vəfatından sonra ziyarət etmək üçün uzaq yerlərə getmək də olar. İstifadə etmək baxımından, Peyğəmbərlərin (aleyhhimüssaləvatü vəttəslimat), Övliyanın və alimlərin (rahimə-hümullahü təala) ziyarəti arasında fərq yoxdur. Yalnız dərəcələri arasında fərq vardır.”

[Bir müsəlman, oturduğu otağın divarına bir lövhə assa, lövhə üzərinə bir sevdiyinin adını yazsa və ya onun qəbri üzərinə daş qoydurub, daşın üzərinə yazsa, otağa girən və ya bu qəbri ziyarət edən müsəlmanlar lövhə və daş üzərindəki ad sahibinin ruhuna Fatihə və dua oxuduqda, Allahu təala ad sahibinə rəhmət edər, günahlarını əfv edər. Otağın divarına və məzar daşına ad yazmaq, onu xatırlamaq üçün deyil. Ad sahibinə Fatihə və dua oxunması üçündür. Buna görə islam ölkələrində otağın divarına və məzar daşına ad yazmaq adət olmuşdur. Bir vəlinin adı yazılarsa, bu adı oxuyub, sahibindən şəfaət, dua istənildikdə, vəli eşidib, istəyən şəxsin dünya və axirət muradları üçün dua edər və duası qəbul olar.]