Untitled Document

YEMƏK - BALIQ LƏVƏNGİ

6-8 porsiya üçün nəzərdə tutulub:

1 ədəd iri kütüm, 1 ədəd iri baş soğan, 1 ½ stəkan qoz ləpəsi, 2 xörək qaşığı palçıq turşu və üstünə və içinə sürtmək üçün (lavaşana da istifadə edə bilərsiniz: bunun üçün lavaşananı isti suda yumşalana qədər həll edin), zövqə görə duz, zövqə görə istiot.

1. Balığın pulcuqlarını təmizləyin, içalatını çıxardın. Sonra isə balığı yuyun və yaxşıca qurulayın. İçini və üstünü duzlayıb istiotlayın.

2. Ləvəngi içini hazırlayın. Soğanı ət maşınından keçirin. Tənzifə qoyun və suyunu yaxşıca sıxın. Qozu da maşından keçirin. Bir qabda soğanı, qozu, palçıq turşunu, və zövqə görə duz-istiotu qarışdırın.

3. Sobanı 180˚C-dək qızdırın.

4. Balığın içinə və üstünə palçıq turşu sürtün. İçini ləvəngi içiylə doldurun. Balığı mətbəx ipiylə tikin və yaxud kokteyl çubuğuyla (cocktail stick) bərkidin.

5. Balığı soba listinə qoyub qızdırılmış sobada üstü qızarana və içi bişənədək (təxminən 45 dəqiqə ərzində ) bişirin.

6. Yanında narşərabla süfrəyə verin. Nuş Olsun!

BİLİRSİNİZMİ Kİ

1. Neftin cəmi 1 damlası 25 litr içməli suyu yararsız hala salır. 
2. Las-Veqasın kazinolarında bir dənə də olsun saat yoxdur.
3. Tarif - Aralıq dənizində yerləşən adadır və bura ilk yer idi ki, limanda dayanacağa görə pul almırdılar.
4. Xeops ehramının plitələri arasından ülgüc də keçirtmək mümkün deyil.
5. Qırmızı dodaq boyası çəkən qadınlar hamıdan çox gülürlər.
6. Dünyada ən bahalı hobbi - bağçılıq hesab olunur.
7. İnsanın dilində əks olunan izlər barmaq izi qədər təkrar olunmazdır.
8. Delfinlər bir gözlərini açıq qoyaraq yatır.
9. Musiqi bəstələməzdən əvvəl Bethoven başını soyuq su ilə yuyurdu.
10. Bütün tarix boyu Nil çayı iki dəfə - IX və XI əsrlərdə donub.
11. İl ərzində bir dəfə də olsun insan doğulmayan yeganə ölkə Vatikandır.
12. Dünyanın bütün sularını açıq okeana tökülsə, suyun səviyyəsi 3 sm qalxar.
13. Pinqvin 3 metr hündürlüyə hoppana bilər.
14. Son 4 min il ərzində insan heç bir yeni heyvan növü əhliləşdirməyib.
15. Uşaqlar dünyaya diz qapağı olmadan gəlirlər.
16. Ən təhlükəli peşələr: kosmonavt, polis, futbolçu və balıqçılıq hesab olunur.
17. Dünyada hər 10 insandan biri solaxaydır.
18. 10 dəqiqə içərisində bir qasırğa bütün nüvə silahlarının gücündən daha çox enerji verməyə qadirdir.
19. Amerikanın Ohayo ştatında, Klivlend şəhərində ovçuluq sənədi olmayanların siçan tutması qadağandır.