Untitled Document

ƏXLAQ - ÖZÜNÜ BƏYƏNMƏK

Günahkarları bəyənməməli, lakin özünü günahkarlardan üstün də görməməlidir. Özünü Cənnətlik, günahkarı Cəhənnəmlik bilməməlidir. Hətta kafir üçün belə düşünməməlidir. Kafir, bir Kəlmeyi-şəhadət gətirərək Cənnətlik, özü bir söz söyləyərək Cəhənnəmlik ola bilər.

İsrail oğullarından bir quldur, qırx il günah işləyər. Bir gün Həzrəti İsanı həvarilərdən biri ilə gedərkən görər. Etdiyi quldurluğa peşman olar. "Mən bunlara qatılım" deyərək arxalarına düşər. Həvarinin yanına yaxınlaşar, "Mənim kimi bir quldurun belə bir şəxsin yanında getməsi uyğun olarmı?" deyə düşünər. Həvari də, "Bu yol kəsici haradan çıxdı? Mənimlə necə gəlir?" deyərək ondan uzaqlaşıb İsa əleyhissəlama yaxınlaşar. Allahü təala Həzrəti İsaya vahy edər ki:

“İkisinə də söylə! İkisinin də keçmişlərini məhv etdim. Yenidən əmələ başlasınlar. Özünü bəyəndiyi üçün həvarinin ibadətini məhv etdim. Özünü aşağı gördüyü üçün də quldurun günahlarını bağışladım.”
Həzrəti İsa, vəziyyəti hər ikisinə də bildirər və qulduru həvariləri arasına götürər. (İ. Qəzali)

LƏTİFƏ - PİŞİK

Mağazada:
-Pişik neçəyədir?
-2000 manat.
-Aaaa. Dünən axı 500-ə idi.
-Düzdü, amma bu gün o, 1500 manatlıq tutuquşunu yeyib.