Untitled Document

MƏNQİBƏ - HƏYAT SƏNƏ YARAŞDIĞI MÜDDƏTCƏ

Abbasi xəlifələrindən biri, məclisindəki alimlərlə fiqhi məsələləri danışarkən, yaşlı əmisi içəriyə girər. Xəlifə ona soruşar:

- Əmi, bu alimlərin söylədikləri haqqında sən nə deyərsən?
- Ey möminlərin əmiri! Uşaqlığımızda bizi, bəzi şeylərlə məşğul etdilər. Qocalığımızda da biz özümüzü məşğul etdik... Beləcə elmdən məhrum qaldıq.
- İndi oxumanızda nə mane vardır?
- Bizim kimi qocalara oxumaq yaraşarmı?
- Bəli, vallah elm tələbəsi olaraq ölmək, cəhalətə qənaət edərək yaşamağından xeyirlidir.
- Nə zamana qədər, elm öyrənmək yaraşar mənə?
- Həyat sənə yaraşdığı müddətcə, yəni ölənə qədər.

MƏSLƏHƏTLƏR - BADAMIN QABIĞINI NECƏ SOYMALI

Bəzi şirniyyatlarda (məsəl üçün, şəkərbura və paxlavada) qabığı soyulmuş və üyüdülmüş badam içindən istifadə olunur. Badamın qabığını soymaq cəmi bir neçə dəqiqənizi alacaq. Bu da prosesin tamamı.

1. Badamları bir qazana qoyub üstünə onları örtəcək qədər qaynar su tökün.
2. Qoyun badamlar bu suda 2 dəqiqə pörtsünlər (oda qoymayın!). Badamları suda çox saxlamayın, yoxsa yumşalar və üyüdülmələri çətin olar.
3. Badamları süzün və qurulayın. Sonra isə iki barmağınızın arasında sürtərək qabığını soyun.