Untitled Document

SÖHBƏT - NAMAZI TƏKRAR QILMAQ

Namazı təkrar qılmağı tələb edən vəziyyətlər aşağıdakılardır:

1. Namazın vaciblərindən birini qəsdən tərk edənə, bu namazı yenidən qılmaq vacibdir. Unudaraq tərk edilsə səcdəi-səhv edilər.
2. Namazı qıldığında şübhə edən kimsə, vaxt çıxmadısa təkrar qılar.
3. Səcdəi-səhvi qəsdən etməyənin və ya namazın vaciblərindən birini, məsələn Fatihə oxumağı, bilərək tərk edənin, o namazı təkrar qılması vacib olar.
4. Namazdan sonra, bir adil Müsəlman səhv etdin desə, təkrar qılması yaxşı olar. İki ədalətli Müsəlman söyləsə, təkrar qılması vacib olar. Adil olmazsa, sözünə etibar edilməz.
5. Bir kimsə, qüsldə bir yerini yumağı unudub namaz qılsa, sonra xatırlasa, orasını yuyub fərzi təkrar edər. Malikidə, yuyulmayan yer qaldığını bir ay sonra belə xatırlasa, yalnız oranı dərhal yumaq lazımdır. Dərhal yumazsa, qüsl batil olar, lakin qılınan namazlar səhih olar.
6. Qiblə istiqamətini bilməyən kimsə, qibləni araşdırıb, qərar verdiyi istiqamətə deyil, təsadüfü istiqamətə qılarsa, lakin qibləyə rast gəldiyini anlasa da, təkrar qılması lazımdır. Araşdırıb qərar verdiyi istiqamətə dayansa, oranın qiblə olmadığı meydana çıxsa namazını yeniləməz.
7. İmamda namazı pozan bir şey olduğu anlayan kimsə, bu namazı təkrar edər.
8. İmam dəstəmazsız olduğunu xatırlasa yaxud namazdaykən namazı pozan bir şey hasil olsa, bunu dərhal camaata bildirər. Namazdan sonra anlarsa, o camaatdan olanlara söyləyər və ya xəbər göndərər. Xəbər alan, yenidən qılar. Xəbər ala bilməyən bağışlanar. Bir qavlə görə, imamın camaata xəbər verməsi lazım deyil. Camaatın namazı səhih olar. İmam namazını təkrar edər.
9. Tərtib sahibi olan, qəza borcu varsa, əvvəl qəzanı edib, sonra vaxtın fərzini edər. Yalnız vaxtın fərzini edəcək qədər vaxt qaldısa, qəzanı sonra edər. Fərzi təkrar etməsi lazım deyil, amma vaxt daraldı sanaraq, vaxt namazının fərzini qılan, sonra daha vaxt qaldığını anlasa, qəzanı və sonra vaxtın fərzini təkrar edər.
10. Tadili-ərkanı qəsdən tərk edənin, o namazı yenidən qılması vacibdir.
11. Həbsdə, əli ayağı bağlı olan, təyəmmüm edə bilməzsə, dəstəmazsız, bir şey oxumadan, rüku və səcdə edər. Bunu da edə bilməzsə, ayaqda ima edər. Xilas olunca yenidən qılar.
12. Həbsdə, təmiz yer, su və torpaq tapa bilməyən kimsə, oxumadan, namaz qılar kimi edər. Xilas olunca, hamısını yenidən qılar.