Untitled Document

DÜNYADA - İNDONEZİYA MÜSƏLMANLARI

İndoneziyada azan oxuyanlara Bilal deyilir. Bilalı Habeşinin (radıyallahu anh) səsi və ruhu kimi olan müəzzinlər; Cava, Açe, Sumatra, Malaziya və Borneo məscidlərində gendə beş dəfə möminləri namaza çağırırlar.

İndoneziyada Müsəlmanlıq zorla deyil, könül rizası ilə qəbul edilmişdir. Müsəlman tacirlər bu məsul, uzaq şərq insanları ilə alış-veriş edərkən ən böyük qazancları yeni möminlər oldu. İman təmizliyi ilə Məkkəyə tələsən Bilalı Habeşi aşiqləri getdikcə çoxaldılar. İnəyə və ağaca tapan Buddistlərin təzyiqindən sonra, Müstəmləkəçi Qərblilərin də təzyiqinə sinə gərdilər. Xəlifəi Ruyi-zəmindən (yer üzünün xəlifəsi) kömək istədilər. Osmanlı Sultanı Süveyşin kapitanı Kurdoğlu Xızır Rəisi vəzifələndirdi. Xızır Rəis Müsəlman Açe dövlətinin Sultanı Alaəddinlə görüşdü. Onları istilaçı Portuqaliyalılardan qurtardı. Bəzi ləvəntlər bu imanlı və gözəl xasiyyətli insanlarla bərabər qaldılar. Bu gün belə bir çox Açeli Müsəlman babalarının Osmanlı türkü olduğunu iftixarla söyləyərlər. 100 milyonlarla İndoneziyalı Müsəlman övliya sevgisi ilə doludur. İmamı Qazali həzrətlərinin sayəsində Əhli-sünnət etiqadındadırlar.