Untitled Document

SÖHBƏT - VAXTI BOŞ KEÇİRMƏMƏK LAZIMDIR

İnsan, dünyaya oyun və əyləncə üçün gəlməmişdir. Dünya iş və qazanc yeridir. Dünya axirətin tarlasıdır. Burada nə əkilirsə, axirətdə də onu biçəcəkdir. Boş vaxt fürsət və qənimətdir. Faydalı iş görmədən vaxt keçirmək vaxtı öldürmək sayılır. Dünyada edilən hər işin, hər nəfəsin hesabı qiyamətdə soruşulacaqdır.

Hədisi-şərifdə buyuruldu ki:
“Qiyamət günü, hər kəs ömrünü və gəncliyini haralarda keçirtdiyindən, malını haradan qazanıb haralara xərclədiyindən və elmi ilə əməl edib-etmədiyindən sorğuya çəkiləcəkdir”. (Tirmizi)

Ömür, elm, mal və bədən Allahü təalanın qullarına verdiyi bir sərmayədir. Bu sərmayə Allahu təalanın bildirdiyi yerlərdə xərclənməlidir. Vaxt keçdikdən sonra peşmanlığın faydası olmaz. Onun üçün gəncliyin, malın, sağlamlığın qiyməti bilinməli, dünyada axirəti qazanacaq işlər görülməlidir.
Hədisi-şərifdə buyuruldu ki:

“Beş şeydən öncə beş şeyin qədrini bil! İxtiyarlıqdan öncə gəncliyin, xəstəlikdən öncə sağlamlığın, məşğuliyyətdən öncə boş vaxtın, kasıbçılıqdan öncə zənginliyin və ölümdən öncə həyatın qiymətini bil!”.